Saılaýshylar tizimin jasaý – eń jaýapty is

Onyń jumysyna Asta­nadaǵy EQYU baǵdarlamalar keńse­siniń ókilderi, EQYU Demo­kratııalyq ınstıtýttar men adam quqyqtary jónindegi bıýrosy, or­talyq memlekettik organdar, mınıstrlikter men vedomstvo­lar, sondaı-aq úkimettik emes uıym­dardyń ókilderi qatysty. Se­mı­nar-trenıngke qatysýshylarǵa Ortalyq saılaý komıssııasy tóraǵasynyń orynbasary Kons­tantın Petrov jáne EQYU-nyń As­tanadaǵy baǵdarlamalary keń­sesiniń basshysy, elshi Derd Sabo quttyqtaý sóz sóıledi.

«Qazaqstan Respýb­lı­kasynyń Ortalyq saılaý ko­mıs­sııasy áleýetti baqylaý­shylar tobyn qalyptastyrý bo­ıynsha jumystar júr­gizýde. Osy maqsatta OSK jyl saıyn Astanadaǵy EQYU baǵ­dar­lamalary keńse­simen birlesip semınarlar ótkizedi. Búgingi semınar saılaýshylar tizimderin qalyptastyrý máselelerine arnalǵan. Biz halyqaralyq standarttardy, qalyptasqan jaǵdaı jáne keıbir shet memleketterdiń tájirıbelerin qarastyrýdamyz», – dep atap ótti K.Petrov. Al OSK mú­shesi Marat Sársembaev saı­laý­shylardyń tizimderin qoldaný tártibin retteıtin halyqaralyq jáne  EQYU qujattarynyń normalaryn túsindirdi. Semınarda, son­daı-aq «Saılaýshylardy tir­keý – halyqaralyq standart­tar já­ne tájirıbe» taqyry­byn­da EQYU/DIAQB-nyń saı­laý jó­nin­degi keńesshisi Ra­dı­voe Grýıch­tiń tusaýkeseri ótti.

Semınar-trenıng jumysy barysynda qatysýshylar saılaý kúnderinde EQYU/DIAQB-nyń mıssııasy qu­ra­mynda saılaýshylar tizi­min jasaý men paıdalaný­dyń halyqaralyq baıqaýdyń erekshelikterin de talqy­lady. О́zbekstan Respýblı­kasyndaǵy jáne Qyrǵyz Respýblıkasyndaǵy saılaýdy baıqaýǵa qatysý, sonyń ishinde saılaý kúnderinde saılaýshylar tizimderin is júzinde qol­daný prosesin baıqaý tájirı­besimen bólisti.

Jıyn sońynda 2018 jyly EQYU/DIAQB mıs­sııa­larynyń quramynda baıqaý júrgizý táji­rı­besin odan ári jetildirý jónin­de pikir almasyldy. 

Álısultan QULANBAI,
«Egemen Qazaqstan»