— Ivan eń aldymen sońǵy týrda alǵan jaraqatyńyzdan qalaı aıyqqanyńzdy surasaq?
— Barlyǵy jaqsy. Qazir jattyǵýǵa kirisip kettim. Beısenbi kúngi mańyzdy oıynǵa daıynmyn dep oılaımyn.
— Mınskke jasaǵan saparyńyz qalaı boldy? Otanyńyzǵa oralǵan shaqta Siz Qazaqstan chempıony bolyp bardyńyz ǵoı.
— Ádettegideı jumys qalpynda baryp qaıttym. Ulttyq quramanyń oıynyna qatysýy qajet bolatyn. Alaıda, alǵan jaraqatymnyń saldarynan alańǵa shyǵa almadym. Dárigerlerge qaralyp, birshama tynyǵyp aldym. Sebebi, sońǵy aıda oıyndar óte kóp bolyp ketti.
— Sońǵy týr men Eýropa lıgasynyń oıyny arasyndaǵy úzilis saǵan paıdasyn tıgizgen sekildi ǵoı?
— Árıne, bizge oıyn ótkizip, únemi qalypta bolǵanymyz jaqsy edi. Biz sońǵy oıyndy 25-qazanda ótkizdik. Degenmen, kele jatqan oıyn qalaı óterin kóre jatarmyz. Jaqsy oıyn órnegin kórsetemiz dep úmittenemin.
— Alǵashqy týrdan bastap sen komanda lıderleriniń birine aınaldyń. Jańa chempıonatqa qalaı tez daǵdylanyp aldyń.
— Eń aldymen bapkerlerdiń senimi áser etti. Sosyn komandadaǵy jigitterdiń de jyly qabaqtary maǵan kómek boldy.
— Maýsym aýyr ótti dep oılaısyz ba?
— Álbette, maýsym óte aýyr boldy. Árqıly oqıǵalarǵa baı boldy desem artyq emes.
— Baspasóz betterinde Stanımır Stoılovtyń «Fenerbahchege» aýysýy jaıly aqparat tarady. Komanda ishinde bul máselege qalaı qarap jatsyzdar?
— Biz bul máselege bas qatyryp jatpadyq. Sebebi, alda mańyzdy 2 oıynymyz bar. Al odan ózgeni talqylaý bizdiń sharýamyz emes.
— О́zińe ózge komandalardan usynys túspedi me?
— Naqty aıtar bolsam, meniń bar oıym qazir «Astanada». Eýropa lıgasynyń eki oıyny men úshin qatty mańyzdy. Toptan shyǵyp ketsek tamasha bolar edi.
— Dúısenbi kúni «Vılıarrealdyń» «Atletıkpen» aýyr oıyny bar. «Astanamen» oınap bolǵan soń taǵy bir qıyn qarsylasqa tap bolady. Ol «Valensııa». Osy turǵyda ıspanııalyq klýb elordaǵa myqty daıyndyqpen kelmeıtin sekildi.
— Bizge, qarsylastyń daıyndyǵyn emes, ózimizdiń daıyndyǵymyz mańyzdy bolýy kerek. Bastysy ózimizdiń oıynymyzda.
— «Vılıarrealmen» Ispanııadaǵy oıynda eki komandanyń deńgeıi bólek ekeni belgili boldy.
— Árıne, «Vılıarreal» joǵary deńgeıdiń komandasy. Qarsylasymyz ıspan la-lıgasynda tamasha nátıje kórsetip júr. Týrnırlik kestede de kóterildi.
— «Astana» qandaı basymdylyǵynyń arqasynda jeńiske jetýi múmkin?
— Úılesimdiliktiń arqasynda. Sonymen qatar, tártipti joǵaltpaýymyz qajet. Osyndaı qasıetterdiń arqasynda jeńiske jetýimiz múmkin.
— Búgingideı merekelik is-sharalarǵa qalaı qaraısyń?
— Bundaı is-sharalar árqashan da jaqsy ǵoı.
— Resmı kostıým kıgen qalaı eken?
— Tamasha! Biraq, sońǵy on jyl boıy mundaı kıim kımegendikten, kishkene túsine almaı turmyn.
Áńgimelesken Ermuhamed Máýlen
