«Astana Konvenshn bıýro» JShS uıymdastyrǵan týrǵa Qytaıdan, Irannan, sondaı-aq TMD elderinen 80 týroperator qatysty. Olar otandyq operatorlarmen qarym-qatynas ornatyp, birqatar kelisim jasasty. Jospar boıynsha «Welcome to Astana» aqparattyq týry úsh kúnge sozyldy.
Reseılik ekskýrsovod Vera Popovıch: «Welcome to Astana» aqparattyq týrynyń alǵashqy eki kúninde biz Astanadaǵy qonaq úılerdi, medısınalyq, ǵylymı, bilim berý, sporttyq jáne mádenı nysandardy araladyq. Qazaqstan astanasynyń «Báıterek», «Nur-Álem» sııaqty biregeı ǵımarattarynda bolyp qaıttyq. Týrızm salasy birlesken jumysty talap etedi. Ol qalalar, elder arasyndaǵy dostyqty nyǵaıtyp, adamdardy jaqyndastyrady», - dese, «Astana Konvenshn bıýro» JShS-niń bas menedjeri Ásel Qarbaeva: «Bizdiń qalada oqıǵalyq týrızmdi damytýdyń zor múmkindigi bar. Bul turǵyda Astananyń áleýeti zor. О́ıtkeni búgingi tańda álemniń kóptegen elderi Qazaqstannyń astanasyn beıbitshilikke bastaıtyn orta retinde tanıdy», - deıdi. Sonymen birge Ásel Qarbaeva qazirgi tańda Elordada týrızm salasynyń túrli baǵyttaryn damytý sharalary júıeli túrde qolǵa alynyp jatqanyn aıtyp ótti.
