Olımpıadaǵa daıyndyq pysyqtaldy

Sporttyq jarystardyń tóresi sanalatyn Olımpııalyq oıyndar bolsa, ondaǵy jeńiske jıi ıek artatynymyz taǵy da boks. Al biz atalǵan sporttan bıik belesterdi baǵyndyrýdamyz dep aýyz tol­ty­ryp aıtamyz. Durys. Alaıda osy deńgeıge jetý úshin mańdaı terdiń tógi­letinin qan­sha­­lyqty bilemiz. Osy rette elimizdegi boks mektepteri men sek­sııa­la­ryn­da shyńdalyp jatqan jastardy irikteýde oblystyq, respýb­lı­kalyq týrnırler men kýboktardyń bereri mol. Qazaqstan boks fede­rasııasynyń aldaǵy kezde dástúrge engizilgen respýb­lı­ka­lyq arnaıy kýbogy da respýb­lı­kanyń talant­ty boksshylaryn tanyp, Olımpııa oıyndarynda top jar­ǵyzýǵa saıady. Taıaýda Astanada elimiz boks federasııasynyń prezıdenti Tımýr Qulybaevtyń tóraǵalyǵy­men ótken federasııanyń atqarý komıtetiniń otyrysy da osy tóńirektegi taqyryptarǵa arnaldy. Atalmysh otyrysta sóz alǵan bokstan ulttyq quramanyń bas bapkeri Myrzaǵalı Aıtjanov ulttyq quramanyń bapkerler keńesi bekitken kestege sáıkes 2012 jylǵy London Olımpıadasyna daıyndyq barys­ta­ry jaıyna toqtaldy. – Qazirgi tańda «Saryaǵash» shıpa­jaıyn­da demalyp júrgen boksshylar saýyqtyrý sharalarynan ótkennen keıin As­tanaǵa kelip, shartty jıyndarǵa qatysady. Sodan keıin Almatyda medısınalyq tekserýden ótip, buıyrtsa arnaıy daıyndyqqa kirispek. Al jeltoq­san­nyń ortasyna taman bizdiń qyrandar Brazılııada ótetin oqý-jattyǵý jıyn­darynda kúsh-jigerlerin synap kóredi, – deıdi bas bapker. – Boks federasııasynyń kýbogy jarysynyń negizgi maqsaty – eli­miz­­degi boksqa den qoıǵan órenderdiń talanttaryn ashyp,ony ary qaraı da­mytý bolyp tabylady. Federasııa prezıdenti Tımýr Quly­baev­tyń bas­tamasy­men jylda ótkizip turýdy dástúrge engizý jolǵa qoıylyp otyr. Osylaısha biz Azııa, Álem chempıonattary jáne Olımpııa oıyn­darynda júlde áperer jastardy tanýǵa múmkindik alamyz dep oılaı­myn. Táýel­sizdiktiń 20 jyldyǵyna oraı ótkiziletin bul kýbokty 16 jeltoqsanda Astanada sarapqa salady, – deıdi atalǵan federasııanyń tóreshiler quramy boıynsha jumys­tardy úılestirýshisi A.Egeýbaev. Sondaı-aq, ol tóreshilik etý salasyndaǵy jetis­tikterdi de nazardan tys qaldyrmady.- AIBA dárejesindegi úsh jul­dyz­dy tóreshi ataqtaryn buǵan deıin bes jerlesimiz alsa, byltyr bu­ǵan taǵy da úsh otandasymyz qosylyp, mereıimizdi ústem etti. Bul álem­dik deńgeıdegi úlken kórsetkish! Ábdirahman QYDYRBEK, Astana.