Kezdesýde Qaırat Qojamjarov Memleket basshysyna Agenttiktiń bıylǵy 10 aıda atqarǵan qyzmetiniń nátıjeleri jóninde baıandady.
Nursultan Nazarbaev qoǵamda sybaılas jemqorlyqqa tózbeýshilikti qalyptastyrýdyń mańyzdylyǵyn atap ótti.
– Men sybaılas jemqorlyqqa qarsy is-qımyl týraly zańdy qabyldaǵan kezde kimde-kim sybaılas jemqorlyq qylmysyn jasasa, eshkimge de jeńildik jasalmaıtynyn jáne jazadan qutylmaıtynyn eskertken bolatynmyn. Sońǵy jyldary bul baǵytta kóp jumys atqaryldy, – dedi Qazaqstan Prezıdenti.
Elbasy bıýdjet qarjysyn tıimdi ári ashyq paıdalaný qajettigin aıtty.
Q.Qojamjarov Memleket basshysyna sybaılas jemqorlyqqa qarsy saıasatty júrgizý barysynda qabyldanyp jatqan sharalar jóninde málimdep, onyń iske asyrylýyna halyqaralyq sarapshylar qaýymdastyǵy tarapynan joǵary baǵa berilgenine nazar aýdardy.
– Bıylǵy 10 aıda 3400 qylmystyq is qozǵalyp, onyń bir myńy sotqa berildi. 15 mıllıard teńge kóleminde keltirilgen shyǵynnyń 11 mıllıardy memleketke qaıtaryldy. Quny 7 mıllıard teńgeden asatyn múlikke tyıym salyndy, – dedi Agenttik tóraǵasy.
Kezdesý sońynda Nursultan Nazarbaev birqatar naqty tapsyrma berdi.
