Batys óńirindegi biregeı keshen

Elbasy Nursultan Nazarbaevtyń «100 mektep, 100 aýrýhana» baǵdarlamasy boı­ynsha  salynǵan 200 oryndyq oblys­tyq keń beıindi balalar klınıkalyq aý­rý­ha­na­sy  halyqtyń ıgiligine qyzmet etýde. Mundaı osy za­man­ǵy me­dısınalyq qondyrǵylarmen jabdyqtalǵan, alýan túrli operasııalardy júzege asyrýǵa múmkindik beretin,  sheteldik apparattarmen jaraqtandyrylǵan, bar­lyq jaǵ­daı jasalǵan biregeı aýrýhana elimizdiń batys óńi­rin­degi birden-bir emdeý orny. Oblys ortalyǵynyń qarqyndy damyp kele jatqan aýdanyna ornalasqan nysannyń quny bıýdjetke 5570 mln. teńgege tústi. Tórt qabatty aýrýhananyń bas korpýsy 25744 sharshy metrdi alyp jatyr. Aýrýhana tórt bloktan turady. Birinshi blokta  ste­rı­zasııalaý, gematologııa, kardıologııa, pýlma­nologııa, allergologııa, neırojaraqat,  em­deý-dıagnostıkalyq, ekinshi  blokta jan saq­taý, fýnksıonaldyq dıagnostıka jáne bakterııalyq zerthana, al úshinshi blokta sáýlelik dıagnostıka, endokrınologııa, nefrologııa, ýrologııa, jalpy hırýrgııa jáne operasııalyq bólimsheler ornalasqan. Munda barlyq aýrýlardy emdeýdiń múm­kindigi mol. Bólimder bizdiń elimizde teńdesi joq qondyrǵylarmen jabdyq­tal­ǵan. Aýrýhanada AQSh-tyń «General Elec­tric» fırma­sy­nyń 64 kesindi (srez) kompıýterlik tomo­gra­fy ornatylǵan. Sondaı-aq,  Japonııa­nyń «Medical Systems»  magnıt­tik-ıadrolyq rezonanstyq tomografy jumys isteıdi. Mun­daı biregeı qondyrǵy ob­lys­ta ekeý ǵana, al birinshisi eresekter úshin qyzmet kórsetedi. Ýrologııalyq aýrýlarǵa operasııa jasaıtyn jáne jańa týǵan balalar úshin beıneen­dos­kopııalyq keshendermen   jaraqtandyryl­ǵan. Bul qondyrǵy ba­lalarǵa neıro­hırýrgııalyq operasııa jasaýǵa múmkindik beredi. Munda eki basseın jáne balshyqpen-sýmen emdeıtin oryn bar. Medısınalyq gazben qamta­ma­syz etý júıesiniń, me­dısı­na­lyq qondyr­ǵylarǵa qyzmet kórsetetin ınjener-tehnıkter, sondaı-aq neırohırýrg pen LOR dáriger kásibı daıarlyqtan ótken. Aýrýhana dárigerlermen jáne medbıkelermen tolyq qamtamasyz etilgen. Medısınalyq gaz ár kereýetke tikeleı jetkizilgen, kıslorod, kómirqyshqyl gazy, syǵymdalǵan aýa berý júıesi jumys isteıdi. Ope­ra­sııa­lyq jáne jaraqatty tańý bólimderine tazar­tylǵan  aýa qysymmen beriledi. Osyndaı biregeı aýrýhana tek óńir balalaryn ǵana emdep qoımaıdy, kórshiles oblystardyń densaýlyǵy nashar búldir­shin­derin de qabyldaýda.  Syrqat balalar osyn­daı biregeı aýrýhananyń ıgiligin kórip, aýrý­laryna shıpa tabýda. Satybaldy SÁÝIRBAI.         Aqtóbe oblysy.