Otyz jyl qańyrap turǵan ǵımarat edi...

BIR JYLDA PAIDALANÝǴA BERILDI Jaqynda Taraz qalasynyń kór­kine kórik qosatyn ásem ǵı­marattyń ashylý saltanatyna qa­tystyq. Qazirgi zaman talabyna saı sáýlettik saltanatpen boı kótergen ǵımaratqa oblystyq bilim, mádenıet, kásipkerlik jáne ónerkásip basqarmalary men ardagerler keńesi bastaǵan 12 mekeme ornalasatyn bolady. Qury­ly­sy osydan 30 jyl buryn qo­naq úı kesheni retinde bastalyp, 1989 jyly ártúri sebeptermen múlde toqtap qalǵan nysannyń endigi ýaqytta ákimshilik úıi retinde paıdalanýǵa berilýine ob­lys ákimi Qanat Bozymbaevtyń tap­syrmasy uıytqy boldy. Iаǵnı, tarazdyqtardyń kóz qýa­ny­shyna aınalǵan nysan jumy­synyń oı­daǵydaı atqarylýyna Erbol Aman­taev basqaratyn «Rem­ener­go» JShS múdelilik ta­nyt­sa, olar­ǵa tapsyrys berýshi ob­lys ákimdiginiń qurylys, jo­laý­shylar kóligi jáne avtomobıl jol­dary basqarmasy bolyp tabylady. Ǵı­marattyń quny 592 786, 970 myń teńgege baǵalandy. Qurylysshylar bul qarjyny bir jyl ishinde to­lyqtaı ıgerip shyqty. – Bıyl oblys boıynsha bar­lyq salalarda 48 ǵımarat jańa­dan boı kóterdi. 730 shaqy­rymnan astam jol jóndeldi. 5 eldi mekenge taza aýyz sý berilip, 25 aýylǵa gaz tartyldy. Bunyń barlyǵy eldegi ekonomıkalyq ósýdiń jáne óńirimizde óner­kásiptiń óte qarqyndy damýynyń arqasynda múmkin bolyp otyr, – dedi Taraz qalasynyń tóri – Tóle bı kóshesiniń boıyna ornalasqan ákimshilik ǵımaratynyń ashylý saltanatyna qatysqan oblys ákimi Qanat Bozymbaev. Jańa ákimshilik ǵımaratynyń paıdalanýǵa berilýi osynda qo­nystanǵan mekemelerdegi memlekettik qyzmetkerlerdiń kóńil kúıin kóterip, ondaǵy mate­rıal­dyq-tehnıkalyq bazanyń jaq­sar­ta túsýine de septigin tıgizdi. Kósemáli SÁTTIBAIULY. Jambyl oblysy.