Úzdik áleýmettik rolık ssenarıine baıqaý jarııalandy

Bas júldege 1 mıllıon teńge, 2-orynǵa Apple MacBook, al 3-orynǵa Canon sıfrlyq kamerasy tigilip otyrǵanyn básekege kez kelgen kisi qatysa alady.

Budan bólek júldeli oryn ıelenbegen 10 úzdik jumys Aqparat jáne kommýnıkasııalar mınıstrliginiń áleýmettik rolıkterine arnalǵan ıdeıalar bazasynda saqtalyp, avtorlaryna 30 000 tg kóleminde syıaqy beriledi. 

Tehnıkalyq talaptar:

1. Qatysýshylardyń jasyna shekteý qoıylmaıdy
2. Baıqaý tili – qazaq jáne orys tilinde
3. Taqyryby – erkin taqyryp

Talaptary: 

• О́zekti ári zamanǵa saı bolýy; 
• Ideıasynyń ereksheligi;
• Jınaqy ári emosıonaldy bolýy;
• Kompozısııalyq úılesim jáne tolyq tujyrymdalýy tıis.

4. Ssenarıı kólemine shekteý qoıylmaıdy.

5. Ssenarıı formaty:

Mátin faıly – MicrosoftWord 
Qarpi (shrıfti) - Arial 
Qarip kólemi - 14

6. Qatysýshynyń baılanysqa qajetti aqparaty:

• Baılanys telefonynyń nómiri 
• Elektrondy poshta mekenjaıy 
• Turatyn qalasy / aýyly

Baıqaýdyń qazylar alqasy quramynda QR aqparat jáne kommýnıkasııalar mınıstri Dáýren Abaev, rejısser Aqan Sataev, «Qazaqstan» RTRK AQ 
Basqarma tóraǵasy Erlan Qarın, StandardLife aksıoneri Dáýren Kúmpeıisov, «Habar» agenttigi» AQ Basqarma tóraǵasy Almagúl Ahmetjanova jáne Qazmedıa Medıamektebiniń dırektory, jýrnalıst Mahabbat Esen bar. 

О́tinimder 2017 jyldyń 27 qarashasy men 24 jeltoqsany aralyǵynda baiqau@mic.gov.kz elektrondy mekenjaıy arqyly qabyldanady.