Kúres • 27 Qarasha, 2017

Taraz qalasynda Dinmuhamed Qonaevty eske alýǵa arnalǵan týrnır ótti

370 ret

kórsetildi

1 mın

oqý úshin

Taraz qalasyndaǵy «Taraz-Arena» sport saraıynda erkin kúresten eresekter arasynda Memleket jáne qoǵam qaıratkeri Dinmuhamed Qonaevty eske alýǵa arnalǵan halyqaralyq týrnır ótti. Jarysqa Qazaqstan Respýblıkasynyń oblystarynan jáne Japonııa, Polsha, Ýkraına, Reseı, Brazılııa, Mońǵolııa, Grýzııa, Belarýs, Ázerbaıjan, Tájikstan, Qyrǵyzstan jáne О́zbekstan memleketteriniń qurama komandalarynan 168 sportshy qatysyp, baq synasty. Qatysýshylar 57 keliden bastap 125 keli salmaq dárejelerinde synǵa tústi.

Egemen Qazaqstan

Taraz qalasynda Dinmuhamed Qonaevty eske alýǵa arnalǵan týrnır ótti

Jarystyń ótýine Qazaqstan Respýblıkasy grek-rım, erkin jáne áıelder kúres federasııasy, Jambyl oblysy ákimdiginiń dene shynyqtyrý jáne sport basqarmasy, Jambyl oblysynyń grek-rım, erkin jáne áıelder kúres federasııasy basshylyq etti. Sondaı-aq, «Altaıs grýp» jaýapkershiligi shekteýli seriktestigi jarystyń ótýine demeýshilik kórsetti. Qazaqstan Respýblıkasynyń Ulttyq qurama komandasy oıdaǵydaı nátıje kórsetip, elimizdiń abyroıyn arttyrdy. Nátıjesinde 86 keli salmaqta almatylyq Ádilet Daýlanbaev pen 97 keli salmaqta pavlodarlyq Mamed Ibragımov 1 oryndy jeńip aldy. Al 61 keli salmaqta aqtóbelik Nurıslam Sanaev pen 74 keli salmaqta almatylyq Bolat Saqaev 2 oryndy ıelense, 57 keli salmaqta ońtústikqazaqstandyq Qýatbek Muhambet, 65 keli salmaqta jambyldyq Meıirjan Ashırov jáne 61 keli salmaqta qostanaılyq Tımýr Aıtqulov 3 oryn bıiginen kórindi.

Hamıt Esaman,

«Egemen Qazaqstan»

Jambyl oblysy