Jeneva qalasynda Qazaqstan Respýblıkasy men Shveısarııa Konfederasııa arasyndaǵy dıplomatııalyq qatynastardyń ornaǵanyna 25 jyl tolýyna oraı Qazaqstannyń Elshiligi Qurmetti konsýldyǵynyń resmı ashylýyn ótkizdi. Atalǵan is-sharalarǵa resmı jáne isker toptarynyń ókilderi qatysty.
Shara barysynda Qazaqstan Respýblıkasynyń Shveısarııadaǵy Elshisi Janar Aıtjanova, Shveısarııa Syrtqy ister departamentiniń Protokol basshysy, Elshi Maýro Reına jáne Qazaqstannyń Jenevadaǵy Qurmetti konsýly Jan-Pol Perıa sóz sóıledi.
J. Aıtjanova Shveısarııamen aǵymdaǵy jáne damý yntymaqtastyǵynyń keleshegi, sondaı-aq «Astana» halyqaralyq qarjy ortalyǵy jáne Halyqaralyq «jasyl tehnologııalar» ortalyǵy sheńberinde yntymaqtastyq týraly egjeı-tegjeıli áńgimeledi.
M. Reına ekijaqty qarym-qatynastyń deńgeıin joǵary baǵalap, eki el arasyndaǵy yntymaqtastyqtyń odan ári nyǵaıa túsetinine senim bildirdi.
О́z kezeginde Jan-Pol Perıa jańa Qurmetti konsýldyqtyń ashylýy eki el arasynda resmı, isker, ǵylymı jáne mádenı qarym-qatynastardyń artýyna sebep bolatynyna aıtty. Atalǵan konsýldyq Shveısarııanyń ınvestısııalary men tehnologııalardy qazaqstandyq naryqqa tartýǵa járdem kórsetýge arnalǵanyn atap ótý qajet.
Resmı kezdesýden keıin Qazaqstanda jalpy bıznes júrgizý, saýda-ekonomıkalyq jáne ǵylymı-tehnıkalyq, ásirese Qazaqstan men Shveısarııa aımaqtary arasynda yntymaqtastyqty nyǵaıtý boıynsha ashyq pikiralmasý ótti.
Shveısarııa Qazaqstannyń negizgi saýda áriptesteriniń biri bolyp tabylady. 2005 jyldan beri shveısarııalyq ınvestısııalardyń jalpy kólemi shamamen 19 mlrd AQSh dollaryn qurady. Qazaqstandyq naryqta «ABB», «Philip Morris», «Glencore», «Nestlé», «Roche», «Novartis», «Syngenta», «Bühler» jáne taǵy basqa shveısarııalyq kompanııalar keńinen usynylǵan.
