Qasıetti kúndegi quttyqtaý

Aqparat jáne baılanys mınıstri Asqar Jumaǵalıev keshe Qasıetti Qurban aıt merekesine oraı «Egemen Qazaqstan» respýblıkalyq gazeti» aksıonerlik qoǵamy qonys tepken segiz qabatty jańa ǵımaratqa arnaıy keldi. Mınıstr bul kelýinde gazet ujy­myn aıtýly merekemen quttyqtaı kelipti. Sondaı-aq, A.Jumaǵalıev redaksııa jumysymen jaqyn ta­nysýǵa múmkindik aldy. Sońǵy jyl­dary mınıstrliktiń elimizdiń bu­qa­ra­lyq aqparat quraldarynyń zaman kóshinen qalmaýy baǵytynda bir­qa­tar sharýalar atqaryp kele jatqany belgili. Ásirese, otandyq telear­na­lar­dyń efırlik kórse­tilim­derin san­dyq formatqa kóshirýge den qoı­y­lýda. Kelesi jyldyń respýb­lı­ka­lyq bıýdjetinde salaǵa qomaqty qar­jynyń bólinýi osy sózimizdiń aıǵaǵy bolsa kerek. Qalaı desek te, bul úderisterden otandyq basy­lym­dar da shetkeri qalmasy anyq. Ta­ra­lymy 170 myńnan asatyn elimizdiń basty basylymy – «Egemen Qazaq­stan» gazeti táýelsizdik alǵaly elimiz jetken jetistikterdi keńinen ja­zyp keledi. Sońǵy jyl­dary  «Egemen Qazaqstan» respýb­lıkalyq gazeti» AQ onyń basshysy  Saýytbek Ab­drahmanovtyń ju­mys­ty bilikti uı­ymdastyrýy arqasynda aıtar­lyq­taı tabystarǵa qol jetkizgendigin de oraıy kelgende aıta ketken jón. Baılanys jáne aqparat mınıstri Asqar Jumaǵalıev jáne atal­ǵan mı­nıstrliktiń Aqparat jáne muraǵat komıtetiniń tóraǵasy Bolat Bersebaev toqsan jyldan astam tarıhy bar «Egemen Qazaqstan» gazeti ujy­mymen jaqynyraq tany­syp, redak­sııanyń jumys úderisin óz kózde­rimen kórdi.  Ulyq mereke kúni re­daksııaǵa kelgen meıman­darǵa ujym basshylyǵy qazirgi zaman talabymen salynǵan redaksııa ǵımaratyn ara­latyp kórsetti.  Redaksııa orna­las­qan jańa ǵımarat Elbasy Nursultan Nazarbaevtyń qoldaýymen turǵy­zylǵan. Mınıstr  osyndaı sándi de jumys isteýge qolaıly mekende or­na­las­qan redaksııanyń gazet betterin qattaý, terim jáne hat-habar­lardy qabyldaý bólimderine arnaıy bas suǵyp, ujym qyz­met­kerleriniń hal-jaǵdaılarymen ta­nysty.  Son­daı-aq, mınıstr ǵıma­rat­tyń ústińgi qa­batynda oryn tepken kitap­ha­na­ny, jýrnalısterdiń demalatyn bólme­lerin aralap kór­gennen keıin, gazettiń elektrondy nusqasyn daı­yndaıtyn shaǵyn toptyń jumy­syna da nazar aýdardy. Osy oraıda mınıstr Elbasynyń tapsyr­ma­syna oraı basylymnyń elek­trondy nus­qasyn barynsha jetildirý jaıyn sóz etti. Bul baǵytta jasalatyn birqatar qadamdarǵa baılanysty óziniń oı-pikirin de or­taǵa saldy. Ujymnyń tynys-tirshiligimen jan-jaqty tanysýǵa múmkindik alǵan meımandar sońynan «Egemen Qazaqstan» gazetiniń basshylyǵy­men saladaǵy atqarylýy tıis mindetter men jetistikter jaıyn da qozǵady. Mınıstr elimizdiń bas basylymynyń ujymynda qalyp­tasqan shyǵarmashylyq ahýalǵa, jumys isteý úshin tıisti jaǵdaı­lardyń jasalǵandyǵyna rızashy­lyǵyn bildirdi, gazet basshysyn alpys jastyń asqaryna shyqqan mereıli mereıtoıymen qut­tyqtady. Asqar TURAPBAIULY. ------------------------------- Sýretti túsirgen Orynbaı BALMURAT.