Qazaqstandyq delegasııany Syrtqy ister mınıstriniń orynbasary Erjan Ashyqbaev, al Perýdiń delegasııasyn Syrtqy ister mınıstriniń orynbasary Nestor Popolızıo basqardy.
Konsýltasııa barysynda saýda ekonomıkalyq áriptestikti nyǵaıtyp, mádenı gýmanıtarlyq baılanystardy damytýǵa qadamdar jasaý úshin ekijaqty saıası dıalogty odan ári jandandyra túsýge nıettes ekendikterin bildirdi.
Eki jaq halyqaralyq máseleler boıynsha pozısııalarymen almasyp qana qoımaı, BUU Qaýipsizdik Keńesiniń kún tártibindegi ózekti máseleleri talqylandy.
Qazaqstandyq dıplomat Qazaqstannyń Syrtqy ister mınıstri Qaırat Ábdirahmanov Perýdiń Syrtqy ister mınıstrliginiń basshysyna kelesi jyldyń qańtar aıynda ótetin Ortalyq Azııa men Aýǵanstannyń BUU Qaýipsizdik Keńesiniń mınıstrlik pikirtalasyna jeke shaqyrýyn tabys etti.
E. Ashyqbaev, Qazaqstan Perýmen tyǵyz yntymaqtastyqta bolýǵa, sondaı-aq Keńestegi organǵa birlesken múshelik kezeńinde, BUU Qaýipsizdik Keńesiniń kún tártibindegi barlyq máseleler boıynsha jumys isteýge daıyn ekenin aıtty.
Kelissózder qorytyndysy boıynsha, eki eldiń syrtqy saıası vedomstvolarynyń ókilderi memorandýmǵa qol qoıdy.
E. Ashyqbav Ońtústik Amerıka eline saparynyń sońynda Perý – PROMPERU Eksport jáne týrızmdi damytý agenttiginiń dırektorymen kezdesip, eki el arasyndaǵy iskerlik baılanystardy keńeıtý jáne eki jaqty saýda-sattyqty ártaraptandyrý maqsatynda Qazaqstannyń basym eksporttyq ónimderiniń tizimin berdi.
