Etnomádenı ortalyqtar da qatystyrylady

Keshe Astanada Qazaqstan halqy Assambleıasynyń Áleýmettik jaýapkershilik forýmy bolyp ótti. Forým arnaıy uıym­das­tyrylǵan úsh seksııaly kór­me­niń tusaýkeserimen ashyl­dy. Onda etnomádenı birles­tikterdiń bıznes, aýyl sha­rýa­shylyǵy, ındýstrııalyq-ın­no­vasııalyq damý sala­la­ryn­daǵy bastamalary jan-jaqty kórsetilgen. Sondaı-aq, áleý­mettik jańǵyrtýlarǵa baǵyt­tal­ǵan birqatar jobalar da bar. Ásirese, kelýshilerdi eli­mizdiń ár aımaǵynan kelgen qolóner sheberleriniń týyn­dy­lary tánti etti. Sonymen qatar, kórmede Astana qala­sy­nyń «EHRO-2017» haly­q­ara­lyq mamandandyrylǵan kór­me­sin ótkizý quqyǵyn jeńip alýǵa ótinimin nasıhattaý boı­ynsha aqparattyq taqtalar da qoıylǵan. Atalǵan shara elimiz Táý­el­sizdiginiń 20 jyldyǵy aıa­syn­da «Samuryq-Qazyna» UÁQ» AQ jáne Indýstrııa jáne jańa tehnologııalar mınıs­tr­li­giniń qoldaýymen ótti. Al forýmnyń maqsaty – Memleket basshysynyń Qa­zaqstan halqy Assambleıa­sy­nyń HVI jáne XVII ses­sııa­larynda Assam­bleıanyń elimizdi ın­dýs­trııalyq-ınnova­sııalyq dam­y­tý jáne áleý­mettik jańǵyrtý úderisindegi rólin kúsheıtýge baılanysty bergen tapsyrma­laryn júzege asyrý. Plenarlyq otyrysty júr­gizgen QHA Tóraǵasynyń orynbasary – Hatshylyq meń­gerýshisi Eraly Toǵjanov elimizdegi mádenı orta­lyq­tar­dyń ishki áleýetin elimizdiń ındýstrııalyq-ınnovasııalyq damýyna aralastyrý ekendigin erekshe atap ótti. Qoı­yl­ǵan ındýstrııalyq-ınnova­sııa­lyq jobalardyń jalpy sany 60 bolsa, ózderiniń salt-dás­túrimen astasyp jatatyn et­nostardyń 20 jobasy kelýshiler nazaryna usynyldy. My­sa­ly, Túrik mádenı ortaly­ǵy­nyń Almaty oblysy, Talǵar qalasynda qazaq-túrik lıseıin salýy naqty júzege asy­rylǵan jobalardyń biri sa­nalady. Indýstrııa jáne jańa tehnologııalar vıse-mınıstri Nurlan Saýranbaev óz kezeginde 2010-2014 jyldarǵa ar­nal­ǵan údemeli ındýstrııalyq-ınnovasııalyq damý memlekettik baǵdarlamasy aıasynda bızneske memlekettik qoldaý sharalaryn jáne qabyldanǵan qujattar men baǵdarla­ma­lar­ǵa keńinen toqtaldy. Otandyq taýar eksporttaýshylarǵa shy­ǵyndaryn óteý tetigi engizilse, tek byltyrdyń ózinde bul soma 41 mıllıon teńgeni qu­ra­ǵan. Jalpy, mundaı qoldaý eli­mizdiń 1,5 myńǵa tarta eks­porttaýshy kásiporyndaryn qamtýy tıis. «Bıznestiń jol kartasy-2020» baǵdarlamasy boıynsha quny 194 mıllıard teńge bolatyn 500-deı joba bekitilse, kórmege qoıylǵan jo­ba­lardyń ishinde de osy baǵ­dar­lamaǵa laıyqtylary bar ekendigin vıse-mınıstr ataı ketti. Qyzmet kórsetý men taý­ar­lardy satyp alýda qazaq­stan­dyq úlesti arttyrý baǵy­tyn­da 8,5 trıllıon teńge kóz­del­gen. Bul jer qoınaýyn paı­da­lanýshylar, ulttyq holdıngter men memlekettik organ­darǵa qatysty. Shamamen ol 30 mıllıard AQSh dollary bolsa, oǵan uzaq merzimdi kelisim-sharttar jasaý qolǵa al­ynypty. Indýstrııalandyrý kartasy boıynsha jalpy qu­ny 8,3 trıllıon teńgelik jobalar júzege asyrylýda. To­lyqtaı alǵanda 2011 jyldyń 9 aıy ishinde quny 120 mıllıard teńgeniń 82 jobasy iske qosylǵan. «Samuryq-Qazyna» UÁQ AQ-tyń basqarýshy dırek­to­ry Erlan Baıjanov Qazaqstan halqynyń birligi men qoǵamyn uıystyrýǵa yqpal etetin As­sambleıanyń bastamalaryna erekshe mańyz berip, AQ budan bylaı da qoldaı bererine sendirdi. Jalpy, tartylǵan ın­vestısııanyń 51 paıyzy nemese 22 mıllıard AQSh dol­la­ry «Samuryq-Qazyna» UÁQ» AQ úlesine tıedi eken. Basqarýshy dırektordyń málimetine qaraǵanda, kelesi jyly ınnovasııalyq joba­larǵa 40 mıllıard teńge ba­ǵyttalsa, 2015 jyly 72 mıllıard teńge jumsaý kózdelgen. Búgingi tańda holdıng 19 jo­bany tańdap alyp, qarjy­lan­dyrýdy bastapty. Budan keıin forým aıa­syn­da Qazaqstan halqy As­sam­­bleıasynyń kásipkerler qaý­­ym­dastyǵynyń birinshi jı­nalysy ótti. Onda QHA-nyń jańa qurylymdaǵy múshe­lik, jumys basymdyqtary jáne basqa da uıymdastyrýshylyq máseleleri talqylandy. Forýmda Qazaq­stan halqy Assambleıasy men Indýstrııa jáne jańa tehnologııalar mınıstrligi ara­syn­daǵy ynty­maq­tastyq tý­ra­ly memoran­dýmǵa qol qoı­yldy. Asqar TURAPBAIULY. ------------------------------ Sýretti túsirgen Orynbaı BALMURAT.