Sharany Atyraý oblystyq əkimdiginiń qoldaýymen oblystyq dene shynyqtyrý jəne sport basqarmasy men jekpe-jekten oblystyq federasııa uıymdastyryp otyr.
Uıymdastyrýshylardyń aıtýynsha, əlem chempıonatynda Qazaqstan atynan 20 sportshy qatysyp, 10 salmaq dərejesi boıynsha baq synaıdy. Atyraý oblysynyń namysyn úsh jekpe-jek jaýyngeri qorǵaıdy, olardyń arasynda ataqty sportshy Isataı Temirov te bar.
-Jekpe-jekten əlem chempıonatynyń Atyraýda ótýi ulttyq sport túrleriniń halyqaralyq dərejede tanymaldylyǵyn arttyrady jəne qazaqstandyq jas urpaqtyń sportpen aınalysýyna serpin beredi,- deıdi dene shynyqtyrý jəne sport bóliminiń basshysv Rınat Ibragımov.
Aıta keteıik, 15 qarashada jarysqa qatysýshylar Atyraýǵa keldi, olar kúnine eki ret jattyǵyp, daıyndalý ústinde. Qazir jaýyngerler baqylaý salmaq ólsheýge əzirlenýde.
-Chempıonat aıasynda jekpe-jekpen qatar estrada jəne sport juldyzdarynyń qatysýymen arnaıy baǵdarlama kórermen nazaryna usynylady,- deıdi uıymdastyrýshylar.
Jekpe-jekten əlem chempıonaty ortalyq dene shynyqtyrý-saýyqtyrý kesheninde 1-3 jeltoqsan aralyǵynda bolady.
