Italııa Eýroodaqtaǵy úshinshi rynok bolyp esepteledi. Sońǵy kezderi bul eldiń ekonomıkasy da Odaqtyń qarjygerlerin alańdatyp otyr. Sondyqtan olar premer-mınıstr S.Berlýskonıdiń otstavkaǵa ketkenin qalaýda.
Atap aıtqanda, on jyl burynǵy memlekettiń oblıgasııalarynyń quny 6,8 paıyzǵa qymbattap ketken. Bul úkimettiń shyǵynyn arttyryp, Eýropalyq ortalyq banktiń kómegine júginýge ıtermeleıdi. Aldynda Portýgalııa osyndaı kómek alǵan bolatyn. Onyń oblıgasııalarynyń quny 8 paıyzǵa artqan edi. Biraq Italııa Portýgalııa emes, onyń shyǵynyn jabý qıyndaý soǵady.
QULShYLYQ KEZINDE QAZA BOLDY
Indýızmniń de jyl saıyn Qudaıǵa kóp bolyp qulshylyq etetin jáne pendeshilik kúnálerinen aryltýdy tileıtin jerleri bar. Ol – kúnáden arylý úshin osy aıda Gang ózenine shomylý túrinde bolady.
Soltústik Úndistanda ornalasqan osynaý qasıetti jerde jýyrda 16 qulshylyq etýshi qaıtys bolyp, 50 adam jaralandy. Qalyń kópshilik ózen jaǵasyna qulaǵandardyń turýyna múmkindik bermeı, ústerinen basyp óte bergen. Nátıjesinde 16 adam tunshyǵyp ólgen.
ÁDIL SOT ÁDILDIKTEN MYZǴYMADY
Tájikstanda Reseı avıakompanııasynyń ushqyshtary, Estonııa azamattary V.Sadovnıchıı men A.Rýdenkoǵa 8,5 jyldan bas bostandyǵynan aıyrý týraly úkim shyǵaryldy. Sóıtip, Reseı BAQ-tary ara túspek bolyp, qansha jerden jar salsa da, qylmys úshin ádil jaza taǵaıyndaldy.
Tájikstannyń Hatlon oblystyq soty BAQ-tardyń baıbalam salǵandaryna qaraǵan joq, qylmystary dáleldenip turǵan jandardy qaı jerdiń azamaty ekendigine qaramaı ádil jaza kesti. Ushqyshtar kontrabandalyq taýarlar tasyǵany, shekarany zańsyz buzǵany jáne ushý tártibin birneshe ret buzǵandyǵy dáleldengen soń, tıisti jazalaryn aldy. Bul jaza saıası turǵyda Tájikstannyń táýelsiz el retindegi bedelin kótere túseri anyq.
HALYQTYŃ JAǴDAIYN JAQSARTÝDY OILAǴAN
Germanııa ókimeti shaǵyn jáne orta kólemdegi dáýletteri bar azamattar úshin tabys salyǵyn azaıtýdy kózdep otyr. Osynyń saldarynan ókimetke túsetin kiris mólsheri 6 mlrd. eýroǵa azaımaq. Halyqtyń basym kópshiligin qýantqan bul qadam A.Merkel ókimetiniń bedelin arttyra bereri anyq.
Salyqty azaıtý 2013 jáne 2014 jyldary eki kezeńde júrgiziledi. Úkimettiń bul sheshimi parlament pen federaldyq jerlerdiń býndestratekteri maquldaǵan soń zań kúshine enedi. Úkimettiń ózi halyqty qoldaýǵa qol sozyp tursa, ókiletti organdar ony qalaı qoldamasyn, sheshimniń sózsiz qabyldanatynyna shúbá keltirýshiler joq.
QAZAN TО́ŃKERISIN ARDAQTAÝDY QALAMAIDY
7 qarashada keıbir postkeńestik elderdegi sekildi Belorýssııa astanasynda da kommýnıster alqyzyl jalaýlaryn kóterip, mıtıngige shyqty. Biraq olardyń merekelik kóńil-kúıleri sý sepkendeı basyldy.
О́ıtkeni, eldegi «Jastar maıdany» atty qozǵalystyń júzdegen músheleri mıtıngige shyqqandardy shirigen jumyrtqalarmen atqylaýdyń astyna aldy. Baryn kıip, bazarlap shyqqan jandar bastaryn ala qashqan. Jastar bolsa «kommýnızmdi trıbýnalǵa tartý kerek» dep urandady. Iske kirisken polısııa ruqsat etilgen mıtıngini atqylaǵandardyń birnesheýin ustap, bólimshelerge jetkizdi.
IаDROLYQ ENERGIIа – TEK BEIBIT MAQSATQA
Reseıge Irannan atom salasyndaǵy yntymaqtastyq boıynsha qupııa túrde delegasııa kelip, kelissózder júrgizgeni BAQ-qa belgili bolyp qaldy. Irandyqtar Reseıden 5 atom elektr stansasyn salyp berýge kómek suraǵan kórinedi.
Bul jobanyń quny 40 mlrd. AQSh dollaryn quraıdy eken. Reseı ózderindegi moraldik turǵydan eskirgen, qaldyq jabdyqtardy satpaqshy. Olar Chernobyl AES salý kezinde qoldanylǵan jabdyqtar kórinedi. Al MAGATE Iran jerinen atomdyq qarýdy synaıtyn alań tapqanyn málimdedi.
QYSQA QAIYRYP AITQANDA:
Germanııada ónerkásip taýarlarynyń ónimi qyrkúıekte tamyzǵa qaraǵanda 2,7 paıyzǵa tómendegen. Bul 2009 jyldan keıin qaıtalanyp turǵan keleńsiz jáıt.
Amerıkada 68 jasynda aty ańyzǵa aınalǵan kásipqoı boksshy Djo Freızer qaıtys boldy. Ol óziniń sporttyq karerasynda Muhammed Álı men Dj. Formennen ǵana jeńilgen edi.
Nıkaragýada bolǵan prezıdent saılaýynda Danıel Ortega úshinshi ret jeńiske jetti. Oǵan daýys bergender úlesi 62,6 paıyz bolypty.
AQSh-tyń respýblıkashyl partııasynan saılanǵan kongressmen Ron Pol eldiń Iranmen baılanysty jaqsartýyn usyndy. Biz onyń ıadrolyq isterine qarsy shyqpaı, kerisinshe yntymaqtastyq jasaǵanymyz durys, dedi kongressmen.
Internet materıaldary negizinde ázirlendi.
