Bes oblystan kelgen 80 stýdent 11 quzirettilik (mamandyq) boıynsha baqtaryn synady. Atap aıtqanda: kirpish qalaý, qurǵaq qurylys, sylaý jumystary, dánekerleý, jeńil kólikterge qyzmet kórsetý, jóndeý, elektromontajdaý, aspazdyq is, tokarlyq jumys, IT jelisin júıeli basqarý, kıim úlgileý mamandyǵy boıynsha saıysqa tústi. Sharaǵa oblys ákimdigi, QR Bilim jəne ǵylym mınıstrligi, máslıhat depýtattary, óńirlik "Atameken" kəsipkerler palatasy, respýblıkalyq kolledjderdiń qaýymdastyǵy ókilderi men sarapshylary qatysty.
Úsh kúnge jalǵasqan baıqaýdyń jabylý saltanaty "Baldáýren" demalys bazasynda ótip, jeńimpazdar esimderi belgili boldy. Shara Tuńǵysh Prezıdent kúni merekesine jáne «Qazaqstannyń úshinshi jańǵyrýy: jahandyq básekege qabilettilik» Joldaýyn, «Rýhanı jańǵyrý» baǵdarlamasyn júzege asyrý aıasynda ótti. «Batys Skills» baıqaýy - «World Skills» jobasy negizinde qalanǵan. Alǵash ret uıymdastyrylǵan sharanyń maqsaty - óńirlerde jumysshy mamandyqtardyń bedelin kóterý. Sonyń ishinde jumysshy kásipterine jastardyń qyzyǵýshylyǵyn arttyrý bolyp tabylady. Sonymen qatar, aımaqtar arasynda tájirıbe almastyrý. Qazirgi tańda, oblystaǵy kásiporyndarǵa qajetti jumysshy kadrlarǵa degen suranys jyl sanap artyp otyr. Sol sebepti bul chempıonattyń Mańǵystaýda ótkizilýi kezdeısoqtyq emes. Al chempıonatta tórelik etý úshin, QR kolledjiniń qaýymdastyǵy men aımaqtardan barlyǵy 88 sarapshylar tartylǵan. Máselen, saıysta óner kórsetken 80 stýdenttiń 25-i jergilikti komandadan quralǵan.
Saıystyń ekinshi kúninde stýdentter zaýytta, kollejderdiń resýrstyq jáne trenıng ortalyqtarynda baqtaryn synady. Jarys Aqtaý qalasy men Qaraqııa aýdanynyń ortalyǵynda ótti. Aımaqaralyq chempıonattyń jabylý saltanatyna Mańǵystaý oblysy ákiminiń orynbasary Rýslan Sákeev qatysyp, jeńimpazdar men júldeger atanǵan stýdentterdi marapattady. Tek mańǵystaýlyq komandany alatyn bolsaq, barlyǵy 11 qatysýshy júldege ıe boldy. Onyń beseýi úzdikter qatarynan kórindi. Atap aıqanda, Meıirman Úısenov «Elektromontajdyq jumystar», Naızabaı Amanjolov «Kirpishti qalaý», Zamanbek Álibaev «Maılaý jáne bezeńdirý jumystary», Bereket Egeýbaev «Temir jonýshy», Amangúl Jalǵasbaev «Naýbaıshy isi» jáne Aqjarqyn Kýnaeva «Kıim úlgileý» quzyrettiligi boıynsha jeńimpaz dep tanyldy. О́ńirlik "Atameken" kásipkerler palatasy adamı kapıtaldy damytý bóliminiń basshysy Gúljan Shaımerdenovanyń aıtýynsha, stýdentterdiń deni úlken daıyndyqpen kelgen jáne chempıonatta ózara saıysqa túsip, sheberlikterin shyńdaýǵa múmkindik aldy. "Biz mundaı jobalardy qoldaımyz. Eń bastysy jastardyń qyzyǵýshylyǵy joǵary ekendigin baıqadyq. О́zge oblystardan kelgen stýdentter de chempıonat joǵary deńgeıde ótkendigin alǵa tartyp otyr. Osy sharanyń ótýine úles qosqan oqý oryndarynyń basshylary jarady. Aldaǵy ýaqytta, bizdiń stýdentterimiz jeńis jolyn jalǵastyrady degen senimdemiz", - dedi ol. Aıta ketý kerek, «Batys Skills» aımaqaralyq chempıonat Mańǵystaý óńirinen bastaý alyp, kezekti saıys keler jyly Aqtóbede ótetin bolyp
belgilendi, dep habarlady egemen.kz tilshisine Mańǵystaý oblysy "Atameken" kásipkerler palatasynyń sarapshysy Kámshat Izbasarova.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
