Oblystyń ár aımaǵynan iriktelgen jastar bas qosqan jıynnyń basy óńir basshysynyń quttyqtaýymen ashyldy.
– Elimizde jastar saıasatyna mańyzdy baǵyt retinde erekshe kóńil bólingen. «Jetkinshek býynnyń Táýelsizdik ıdealdaryna adal bolatynyna, Otanymyzdyń tabystarynyń estafetasyn jalǵastyratynyna senimim mol», dep, Elbasy jastarǵa úlken senim artty. Búginde elimizde jastardyń tegin bilim alyp, jan-jaqty damýyna, shyǵarmashylyqpen, sportpen, kásipkerlikpen aınalysyp, halyqtyń ıgiligine eńbek etýine barlyq jaǵdaılar jasalǵan. О́z kezeginde Jetisý jastary judyryqtaı jumylyp, Elbasynyń sarabdal saıasatyn tııanaqty júzege asyrýǵa atsalysýy kerek. Ásirese, Memleket basshysy jarııalaǵan «Rýhanı jańǵyrý» baǵdarlamasynyń oryndalýynda jas býynnyń belsendiligi asa qajet. О́ıtkeni, bul tarıhı qujat óskeleń urpaq úshin qabyldanyp otyr. Jastardyń aldynda alar asý, shyǵar shyń, jeter jeńister óte kóp. Oǵan tek talap pen jiger, bilim men aqyl alyp barady. Biz búgin sol talpynys jolynda jemisti eńbek etip júrgen birqatar jasty «Kóshbasshy» syılyǵymen marapattaǵaly otyrmyz. Bul azamattardyń eńbek joly, jetistikter tarıhy ózge qatarlastaryna úlgi bolary anyq, – dedi oblys ákimi Amandyq Batalov.
Arnaıy dıplomdar jáne aqshalaı syılyqqa ıe bolyp, qatarynyń aldy atanǵan jastar arasynda bir isimen kóptiń bárekeldisine bólenip, alǵysyn alǵan jastar men óz salasy boıynsha jetistikke jetip, oblys, respýblıka kóleminde tanymal bolyp úlgergender bar. 2017 jyldyń úzdigi atanǵan 17 jas maman kópke úlgi bolyp qana qoımaı, jetistikten jetistikke jetý arqyly elge eńbek sińirip, aldaǵy ýaqta úlken isterdiń janynan tabylatyndaryna sendirdi.
Merekege oraılastyrylǵan shara budan bylaı da osy dástúri buzbaı ótkizilip turatyn bolady.
Almas NÚSIP,
«Egemen Qazaqstan»
Almaty oblysy
