Júgiris baǵyty ortalyq «Dostyq» alańynan bastaldy. Sharaǵa qatysýshylar Tóle bı kóshesiniń boıymen Qazaqstan Respýblıkasynyń Tuńǵysh Prezıdenti atyndaǵy saıabaqqa deıin 2,4 shaqyrym qashyqtyqty júgirip ótti. Oblys turǵyndary arasynda buqaralyq sport túrlerin damytý jáne salaýatty ómir saltyn nasıhattaý, sondaı-aq qala turǵyndaryn dene shynyqtyrý jáne sportpen júıeli túrde aınalysýǵa tartý maqsatynda uıymdastyrylǵan sharany oblystyq dene shynyqtyrý jáne sport basqarmasy, Taraz qalasynyń ákimdigi men Jambyl oblysynyń jeńil atletıka federasııasy júzege asyrdy. Sonymen qatar, jeńilatletıkalyq júgiristi nasıhattaý maqsatynda qatysýshylar arasynda demeýshiler tarapynan syılyqtardy oınatý aksııasy uıymdastyryldy.
Búginde salamatty ómir saltyn, ásirese jastar arasynda nasıhattaý jáne buqaralyq sportty damytý basty nazarda. Bul kúni 18 jasqa deıingi uldar arasynda Qazym Jamalov, Salamat Alıasqarov jáne 18 jasqa deıingi qyzdar arasynda Araı Tolǵanbaı, Iаsmına Toqsanbaeva márege birinshi bolyp keldi. Sonymen qatar, 18 jastan joǵary jigitter arasynda Jasulan Jartybaev, Dmıtrıı Ivanchýkov jáne 18 jastan joǵary qyzdar arasynda Rımma Markosıan, Iаna Sıbırıakovalar qatysýshylardan qara úzdi. Osy oraıda «Qazfosfat», «Astana – Cinema», «Tátti sebet» jaýapkershiligi shekteýli seriktestikteri men birqatar uıymdar demeýshilik kórsetti.
Sondaı-aq, aıtýly merekege oraı Taraz qalasynda memlekettik qyzmetshiler arasynda shaǵyn fýtboldan oblystyq týrnır ótti. Atalǵan týrnırge oblys ákimi apparatynyń, Taraz qalasy men aýdandar ákimdiginiń jáne oblystyq departamentter men basqarmalardyń qyzmetshilerinen 24 komanda jasaqtalyp, 216 sportshy qatysty. Nátıjesinde birinshi oryndy Taraz qalasy ákimdiginiń qurama komandasy jeńip aldy. Al ekinshi oryndy Sarysý aýdany ákimdiginiń komandasy oljalasa, úshinshi oryndy Jambyl oblysy boıynsha memlekettik kirister departamentiniń qurama komandasy ıelendi.
Hamıt Esaman,
«Egemen Qazaqstan»
Jambyl oblysy
