Jemqorlyqqa qarsy kúres ymyrasyz bolýy kerek

Jemqorlyqqa qarsy kúres memlekettik saıasattyń negizgi basymdyqtarynyń biri. Ol sonymen birge salyq qyzmeti organdary úshin de kókeıkesti másele bolyp tabylady. Jem­qorlyq áleýmettik qubylys retinde salyq qyzmeti organdarynyń quzyretine teris áse­rin tıgizip, salyq tóleýshilerdiń senimin jo­ǵaltady. Buǵan qosa memlekettiń naryqtyq ekonomıkasynyń damýyn tejep, elimizdiń ulttyq jáne ekonomıkalyq qaýipsizdigine edáýir kesirin tıgizetini anyq. Qazirgi tańda «Jemqorlyqqa qarsy kúres týraly» QR Zańynda barlyq túsinikterge, jem­qorlyqty týyndatatyn quqyq buzýshy­lyqtar men jaýapkershilikterge anyqtama berilgen. Jemqorlyqqa qarsy tıimdi kúres júrgizý úshin azamattyq qoǵam ınstıtýttaryn biriktirý qajet, sebebi jalǵan ekonomıkalyq órkendeý tek jemqorlyq beleń alǵan memleketke ǵana tán. Osyǵan sáıkes memlekettik qurylymdar­da jemqorlyqqa qarsy kúreske erekshe kóńil bólinip, onyń aldyn alý sharalary, sondaı-aq basqarma qyzmetkerleri arasynda da osy keselge qarsy turý boıynsha tárbıelik jumystar júrgizilýde. Qazirge kúnde salyq qyzmeti organdaryn­da elektrondyq salyq qyzmetin usyný arqy­ly salyq tóleýshilermen baılanys azaıty­lyp jatyr. Salyq tóleýshiler ótinishteriniń oryndalýyn baqylaıtyn termınaldar, kún saıyn ár túrli másele-suraqtarmen keletin júzdegen salyq tóleýshilerge qyzmet kórse­te­tin aqparattardy qabyldaý jáne óńdeý orta­lyqtary ashylǵan. Baqylaý júrgizý maqsatynda ortalyq­tarda beınebaqylaý kameralary ornatylǵan. Kez kelgen salyq tóleýshi óziniń eskertýleri men tilekterin bildirip, aryz-usynys jazýǵa arnalǵan jýrnal ashylǵan. Ýaqytynda eskertý sharalaryn oryndaý maqsatynda salyq basqarmasynda 37-68-03 «senim telefony» jumys isteıdi. Osy nó­mir­ge baılanysý arqyly salyq tóleýshi sa­lyq­tan jaltarǵan salyq tóleýshi nemese salyq qyzmeti organdary qyzmetkerleriniń áreketi (árketsizdigi) jaıynda habarlaı alady. Kelip túsken birde bir málimet qaraýsyz qalmaıdy, soǵan sáıkes sharalar qoldanylady. Qyzmetkerlerdiń moraldyq bet beınesin kóterý úshin profılaktıkalyq sharalar júr­gizilýde. Qyzmetkerler únemi salyq, ákimshi­lik jáne jemqorlyqqa qarsy kúres zańna­malarmen tanysyp otyrady. Jemqorlyqqa qarsy kúres – bul qoǵam­nyń birtutas jumysy. Tek ortaq kúsh-ji­ger­men memlekettik qyzmetker de salyq tóleýshi de oǵan qarsy tursa, memleket qoıǵan basty ba­symdyq pen máseleni sheshýge ábden bolady. Anar ESPOLOVA, Astana qalasy Almaty aýdany boıynsha salyq basqarmasynyń bólim bastyǵy.