Tutas bir jylǵa jýyq ýaqytqa sozylǵan aıshyqty aksııa kezinde qaıyrymdylyq sharalary qosa atqaryldy. Bul kúnder aýyl men qala turǵyndarynyń arasyn, ári olardyń ózara baılanystary men qarym-qatynastaryn odan ári jaqyndastyra túsýimen de erekshelene alady.
«El ishi – óner kenishi» demeı me, osy qanatty sózderdiń shyndyqpen astasyp jatqany el ishindegi daryndardyń óńir ortalyǵynda áýelete salǵan ánderi men kúmbirlete tartqan kúıleri jáne myń buralǵan bıleri arqyly kelisti kórinisin tapty. Nesin aıtasyz, kórgen de armanda, kórmegen de armanda degen kemel kezeń boldy munyń ózi. Múmkindikter men jetistikter saralanǵan sátte Qobda aýdanynyń mereıi ústem tústi. Aqtóbe oblysynyń ákimi Berdibek Saparbaev «Týǵan jerim – nurly elim» aksııasynyń qorytyndysyna sáıkes olarǵa bas júldeni jáne 10 mıllıon teńgeniń sertıfıkatyn tabys etti.
Temir Qusaıyn,
«Egemen Qazaqstan»
AQTО́BE
