Qazaqstan Respýblıkasy Úkimetiniń qaýlysy №914

2011 jylǵy 4 tamyz, Astana, Úkimet Úıi

Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý týraly

Qazaqstan Respýblıkasynyń Úkimeti qaýly etedi:

1. Qosa berilip otyrǵan Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlar bekitilsin.

2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri K.MÁSIMOV.

Qazaqstan Respýblıkasy Úkimetiniń 2011 jylǵy 4 tamyzdaǵy1 №914 qaýlysymen bekitilgen

Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlar

1. «Eńbek sińirgen sportshylar men jattyqtyrýshylarǵa aı saıynǵy materıaldyq qamsyzdan­dyrý túrinde ómir boıy tólem tóleýdiń erejesin bekitý týraly» Qazaqstan Respýblıkasy Úkimetiniń 2003 jylǵy 9 jeltoqsandaǵy № 1247 qaýlysynda (Qazaqstan Respýblıkasynyń PÚAJ-y, 2003 j., № 48, 512-qujat): kórsetilgen qaýlymen bekitilgen Eńbek sińirgen sportshylar men jattyqtyrýshylarǵa aı saıynǵy materıaldyq qamsyzdandyrý túrinde ómir boıy tólem tóleýdiń erejesinde: 6-tarmaq mynadaı redaksııada jazylsyn: «6. Ýákiletti organnyń usynylǵan qujattardy qaraý jáne sheshimder qabyldaý merzimi ótinish qabyldanǵan sátten bastap kúntizbelik otyz kúnnen aspaýy tıis.»; 8-tarmaq mynadaı redaksııada jazylsyn: «8. Tólem (tóleýden bas tartý) týraly qabyldanǵan sheshim týraly ýákiletti organ ótinish berýshige mundaı sheshim qabyldanǵan kúninen bastap kúntizbelik on kún ishinde jazbasha túrde habarlaıdy.»; 10-tarmaq mynadaı redaksııada jazylsyn: «10. О́tinish berýshige mynadaı jaǵdaılarda materıaldyq qamsyzdandyrýdy taǵaıyndaýdan bas tartylady: 1) osy Erejeniń 5-tarmaǵynda kórsetilgen barlyq qujattar usynylmasa; 2) ótinish berýshi osy erejeniń 2-tarmaǵyndaǵy sharttarǵa sáıkes kelmese.». 2. «Dene shynyqtyrý jáne sport salasyndaǵy respýblıkalyq qoǵamdyq birlestikterdi akkredıtteý erejesin bekitý týraly» Qazaqstan Respýblıkasy Úkimetiniń 2003 jylǵy 22 jeltoqsandaǵy № 1288 qaýlysynda (Qazaqstan Respýblıkasynyń PÚAJ-y, 2003 j., № 48, 537-qujat): taqyryby mynadaı redaksııada jazylsyn: «Sport túrleri boıynsha respýblıkalyq qoǵamdyq birlestikterdi akkredıtteý qaǵıdasyn bekitý týraly»; 1-tarmaq mynadaı redaksııada jazylsyn: «1. Qosa berilip otyrǵan Sport túrleri boıynsha respýblıkalyq qoǵamdyq birlestikterdi akkredıtteý qaǵıdasy bekitilsin.»; kórsetilgen qaýlymen bekitilgen Dene shynyqtyrý jáne sport salasyndaǵy respýblıkalyq qoǵamdyq birlestikterdi akkredıtteý qaǵıdasy osy qaýlyǵa qosymshaǵa sáıkes jańa redaksııada jazylsyn. 3. «Qazaqstan Respýblıkasy Týrızm jáne sport mınıstrliginiń máseleleri» týraly Qazaqstan Respýblıkasy Úkimetiniń 2006 jylǵy 26 sáýirdegi № 329 qaýlysynda (Qazaqstan Respýblıkasynyń PÚAJ-y, 2006 j., № 15, 145-qujat): kórsetilgen qaýlymen bekitilgen Qazaqstan Respýblıkasy Týrızm jáne sport mınıstrligi týraly erejede: 14-tarmaqta: otyz birinshi abzas alynyp tastalsyn; mynadaı mazmundaǵy abzastarmen tolyqtyrylsyn: «Qazaqstan Respýblıkasyndaǵy memlekettik baqylaý jáne qadaǵalaý týraly» Qazaqstan Respýblıkasynyń 2011 jylǵy 6 qańtardaǵy Zańyna sáıkes mindetti vedomstvolyq eseptiliktiń, tekserý paraqtarynyń nysandaryn, táýekel dárejesin baǵalaý ólshemderin, jyl saıynǵy tekserýler josparlaryn bekitedi; Dene shynyqtyrý (dene shynyqtyrý-sporttyq) qozǵalysy sýbektileriniń qyzmetin uıymdastyrý qaǵıdasyn bekitedi; densaýlyq saqtaý salasyndaǵy ýákiletti organmen kelisim boıynsha Dárigerlik-dene shynyqtyrý dıspanserleri men sporttyq medısına jáne ońaltý ortalyqtarynyń qyzmetin uıymdastyrý qaǵıdasyn bekitedi; Sport túrleri boıynsha jarystar qaǵıdasyn bekitedi; Sportshynyń bir dene shynyqtyrý-sporttyq uıymynan, dene shynyqtyrý-sporttyq qoǵamynan (sporttyq klýbtan) basqa dene shynyqtyrý-sporttyq uıymyna, dene shynyqtyrý-sporttyq qoǵamyna (sporttyq klýbqa) ótý qaǵıdasyn bekitedi; sport obektilerin paıdalaný, tehnıkalyq qyzmet kórsetý jónindegi normalardyń, erejeler men standarttardyń saqtalý turǵysyna baqylaýdy júzege asyrady; genderlik saıasattyń iske asyrylýyn júzege asyrady; ákimshilik quqyq buzýshylyq týraly is boıynsha qaýlyǵa shaǵymdardy, narazylyqty qaraıdy jáne sheshimder shyǵarady.»; 15-tarmaqta: jıyrma úshinshi abzas mynadaı redaksııada jazylsyn: «sport túrleri boıynsha qyzmetti júzege asyratyn respýblıkalyq qoǵamdyq birlestikterdi akkredıtteý;»; mynadaı mazmundaǵy abzastarmen tolyqtyrylsyn: «Qazaqstan Respýblıkasyndaǵy memlekettik baǵalaý jáne qadaǵalaý týraly» Qazaqstan Respýblıkasynyń 2011 jylǵy 6 qańtardaǵy Zańyna sáıkes mindetti vedomstvolyq eseptiliktiń, tekserý paraqtarynyń nysandaryn, táýekel dárejesin baǵalaý ólshemderin, jyl saıynǵy tekserýler josparlaryn ázirleý; sport túrleri boıynsha bas jáne memlekettik jattyqtyrýshylardy qyzmetke taǵaıyndaý jáne bosatý; dene shynyqtyrý-sporttyq jáne balalar men jasóspirimder sporttyq uıymdarynda oqý-jattyǵý baǵdarlamalaryn jáne oqý-jattyǵý prosesiniń kezeńderin bekitý.»; 20-tarmaqta: 6) tarmaqshada «bekitedi.» degen sóz «bekitedi;» degen sózben aýystyrylsyn; mynadaı mazmundaǵy 7) tarmaqshamen tolyqtyrylsyn: «7) Mınıstrlikte sybaılas jemqorlyqqa qarsy baǵyttalǵan sharalar qabyldaıdy jáne sybaılas jemqorlyqqa qarsy sharalardy qabyldaýǵa jeke jaýapty bolady.».

Qazaqstan Respýblıkasy  Úkimetiniń 2011 jylǵy 4 tamyzdaǵy №914 qaýlysyna  qosymsha

Qazaqstan Respýblıkasy  Úkimetiniń 2003 jylǵy 22 jeltoqsandaǵy № 1288 qaýlysymen bekitilgen

Sport túrleri boıynsha respýblıkalyq qoǵamdyq birlestikterdi akkredıtteý qaǵıdacy

1. Jalpy erejeler

1. Osy Sport túrleri boıynsha respýblıkalyq qoǵamdyq birlestikterdi akkredıtteý qaǵıdacy (budan ári – Qaǵıda) «Dene shynyqtyrý jáne sport týraly» Qazaqstan Respýblıkasynyń 1999 jylǵy 2 jeltoqsandaǵy Zańyna sáıkes ázirlendi jáne sport túrleri boıynsha respýblıkalyq qoǵamdyq birlestikterdi akkredıteýden ótkizý: akkredıtteýdi ótkizý úshin qujattardy berý, olardy qaraý jáne dene shynyqtyrý jáne sport jónindegi ýákiletti organnyń (budan ári – ýákiletti organ) akkredıtteý týraly kýálikti berý tártibin aıqyndaıdy. 2. Sport túrleri boıynsha respýblıkalyq qoǵamdyq birlestikter (budan ári – birlestik) Qazaqstan Respýblıkasynyń atynan tıisti halyqaralyq uıymdarda qatysýshy bolý quqyqtaryn tanytý maqsatynda akkredıtteýden ótedi. 3. Birlestikterdi akkredıtteýdi ýákiletti organ júzege asyrady. 4. Akkredıtteýdi tıimdi júzege asyrý maqsatynda ýákiletti organnyń janynan Akkredıtteý jónindegi komıssııa (budan ári – Komıssııa) qurylady. Komıssııanyń quramyna ýákiletti organnyń mamandary jáne dene shynyqtyrý-sport uıymdarynyń ókilderi kiredi. Komıssııanyń quramy ýákiletti organnyń birinshi basshysynyń nemese onyń mindetterin atqarýshy adamnyń buıryǵymen bekitiledi.

2. Akkredıtteýdi júrgizý tártibi

5. Birlestik akkredıtteý týraly kýálik (budan ári – kýálik) alý úshin ýákiletti organǵa mynadaı qujattardy usynady: 1) ýákiletti organ bekitken nysan boıynsha akkredıtteýdi ótkizý men kýálik berýge arnalǵan ótinish; 2) birlestiktiń quryltaı qujattary men zańdy tulǵa retinde memlekettik tirkeý týraly kýá­liginiń kóshirlemeleri (shynaıylyǵyn tekserý úshin túpnusqalar usynylǵan kezde) nemese olardyń notarıaldy rastalǵan kóshirmeleri (shynaıylyǵyn tekserý úshin túpnusqalar usynylmaǵan kezde); 3) birlestiktiń Qazaqstan Respýblıkasy oblystarynyń jartysynan kóbiniń aýmaǵynda ornalasqan fılıaldarynyń erejeleri men olardy memlekettik tirkeý týraly kýálikterdiń kóshir­meleri (shynaıylyǵyn tekserý úshin túpnusqalar usynylǵan kezde) nemese olardyń notarıaldy rastalǵan kóshirmeleri (shynaıylyǵyn tekserý úshin túpnusqalar usynylmaǵan kezde); 4) sport túrleri boıynsha baǵdarlamalardy iske asyrýǵa birlestiktiń qatysýy týraly aqparat; 5) dene shynyqtyrý jáne sport salalasyndaǵy mamandanýy boıynsha joǵarǵy kásibı nemese orta kásibı bilimi bar bilikti kadrlardyń bar ekendigi týraly dıplomdardyń kóshirmeleri; 6) sporttyq seksııalar, klýbtar, toptar sany jáne olarda osy sport túrimen shuǵyldanatyndar sany týraly aqparattyq anyqtama. 6. Ýákiletti organnyń qujattardy qaraý, kýálik berý nemese bas tartý týraly sheshimder qabyldaý merzimi ótinish berilgen sátten bastap kúntizbelik otyz kúnnen aspaýy tıis. 7. Birlestik usynǵan qujattardy qaraý onyń Erejesine sáıkes Komıssııanyń otyrysynda júzege asyrylady. 8. Komıssııa birlestiktiń qujattaryn zerdeleý qorytyndylary boıynsha ýákiletti organ akkredıtteý (nemese akkredıtteýden bas tartý) týraly jáne kýálik berý (berýden bac tartý) týraly sheshim qabyldaıdy. 9. Akkredıtteýden ótken birlestikke ýákiletti organ bekitken nysan boıynsha 4 jyl merzimge tıisti kýálik beriledi. 10. Mynadaı jaǵdaılarda kýálik berýden bas tartylady: 1) osy Qaǵıdanyń 5-tarmaǵyna sáıkes talap etiletin barlyq qujattar usynylmasa; 2) kýálik alý úshin birlestik usynǵan qujattarda jalǵan nemese burmalanǵan aqparat bar bolsa.

3. Kýáliktiń qoldanylýyn toqtata turý jáne toqtatý

11. Ýákiletti organ óziniń buıryǵymen kýáliktiń qoldanylýyn akkredıtteý alý úshin usynylǵan qujattarda jalǵan nemese burmalanǵan derekter anyqtalǵan sátten bastap bes jumys kúni ishinde toqtata turady. 12. Alty aı ishinde birlestik ýákiletti organ anyqtaǵan buzýshylyqtardy joıady. Atalǵan merzim kýáliktiń qoldanylýyn toqtata turý týraly sheshimde aıtylady. 13. Kýáliktiń qoldanylýyn toqtata turýǵa ákep soqqan buzýshylyqtar ýaqtyly joıylǵan kezde, onyń qoldanylýy Komıssııanyń usynymy negizinde ýákiletti organ buıryqqa qol qoıylǵan kúnnen bastap qaıtadan bastaıdy. 14. Ýákiletti organ kýáliktiń qoldanylýyn toqtatý týraly buıryqty bes jumys kúni ishinde mynadaı jaǵdaılarda shyǵarady: 1) zańdy tulǵa qaıta uıymdastyrylǵanda nemese taratylǵanda; 2) kýáliktiń qoldanylýy toqtatylǵan osy Qaǵıdanyń 12-tarmaǵyna sáıkes sebepter joıylmaǵanda; 3) birlestik kýáliktiń qoldanylýyn toqtatý týraly ótinish bergende; 4) onyń qoldanylý merzimi aıaqtalǵanda; 5) birlestiktiń kúntizbelik jyl ishinde respýblıkalyq (chempıonattar, birinshilikter, Respýblıka kýboktary) jáne halyqaralyq (Olımpıada, Azııa oıyndary, chempıonattar, birinshilikter, Álem, Azııa, Eýropa kýboktary) jarystarǵa qatyspaýy; 6) birlestikterdiń quzyretsizdigi jáne áreketsizdigi týraly dene shynyqtyrý jáne sport jónindegi oblystyq (Astana jáne Almaty qalalary) jergilikti atqarýshy organdardyń jartysynyń kóbinen usynymdardyń kelip túsýi.

4. Qorytyndy erejeler

15. Birlestikte kýáliktiń qoldanylý kezeńinde qaıta uıymdastyrylý júrgizilgen kezde birlestik, bir aı merzimde ýákiletti organǵa engizilgen ózgeristerimen birge quryltaı qujattardyń kóshirmelerin jáne salyq organyna esepke qoıý týraly kýálikti (shynaıylyǵyn rastaý úshin túpnusqa usynylǵan jaǵdaıda) nemese olardyń notarıaldy rastalǵan kóshirmelerin usynady. 16. Birlestik óziniń ataýy nemese zańdy meken-jaıy ózgergen jaǵdaıda, on bes jumys kúni ishinde ýákiletti organǵa bul týraly habarlaıdy jáne osy Qaǵıdanyń 15-tarmaǵynda kórsetilgen qujattardy qosa berip, kýálikti qaıta resimdeý týraly ótinish beredi. 17. Kýálik joǵalǵan nemese búlingen kezde ýákiletti organ ótinish qabyldanǵan kúnnen bastap bes jumys kúni ishinde ótinish negizinde birlestikke kýáliktiń telnusqasyn beredi. 18. Ýákiletti organ kýálikterdiń blankilerin jasaýdy, olardy esepke alýdy jáne saqtaýdy qamtamasyz etedi. 19. Birlestikti akkredıtteý týraly ne akkredıtteýden bas tartý týraly sheshim Qazaqstan Respýblıkasynyń zańnamasynda belgilengen tártippen shaǵymdalýy múmkin.