Eýropadaǵy bul sheteldik týr – «Astana Musical» jas teatrynyń tarıhyndaǵy jańa beles. Qazaqstan quramasynyń ekskýrsııalary Eýropanyń Berlın, Parıj, Vena, Brıýssel, Máskeý qalalarynda ótedi.
«Mádenıet jáne sport mınıstrligi júzege asyryp otyrǵan «Jahandyq álemdegi zamanaýı qazaqstandyq mádenıet» jobasy qazaqstandyq shyǵarmashylyq jobalar men qazaqstandyq ujymdardyń jańa ıdeıalaryna tyń serpin beredi dep oılaımyn. Bul óz múmkindikterimizdi joǵary deńgeıge kóterý jáne álemge ulttyq mádenıettiń jetistikterin kórsetý úshin tamasha múmkindik», deıdi «Astana Musical» teatrynyń kórkemdik jetekshisi Ashat Maemırov.
Qazaq teatry Parıj turǵyndaryna etno-folklorlyq mıýzıkl «Qyz Jibek» qoıylymyn syılady. Kórermenderdiń aıtýy boıynsha, qoıylym qazaq mádenıetin aıryqsha erekshelikterimen aıshyqtaıdy.
Spektakldi tamashalaýdan keıin kórermender qazaq halqynyń poetıkalyq murasyn óziniń alýan túrliligimen jáne sulýlyǵymen taýyp alǵandyǵyn atap ótti. Tanymal qazaq áýenderi men ánderiniń mýzykalyq dáıektemelerinen basqa, kórermender halyqtyń baı mádenıetin – bata berý, joqtaý, aıtys syndy dástúrlerin kórdi.
«Til kedergilerine qaramastan, maǵan óte qatty unady. Men eshqashan mundaı atmosferada bolyp kórmeppin. Mádenıetterińiz ǵana emes, tarıhtaryńyzdy da sezine aldym. Spektakl ǵajap. Bári de óte sheber jáne tereń oılastyrylǵan. Dramatýrgııa da, kıimder de unady», deıdi fransııalyq teatrtanýshy, rejısser Davıd Chavlıs Assatıanı.
«Asqan sezimtal ulttyq kolorıt nazardy baýrap alady, qazaq mádenıetine aıryqsha áser berip turǵan – ózindik ishki dúnıesimen jáne aıqyndyǵymen tartady. Keremet qoıylym. Ártister men bıshilerdiń oryndaýy sonshalyqty ǵajap, aınalany túgel baýrap, kóńil túkpirine sheıin jaýlap aldy», dep pikirimen bólisedi teatr synshysy, ónertaný doktory Marı-Krıstın Sırıjol.
«Egemen-aqparat»
