Jas boksshylar básekesiniń ashylýynda Ulan aýdany ákiminiń orynbasary Nurjan Ábdikárimov barlyq qatysýshylarǵa sáttilik tiledi. «Qurmetti qonaqtar, jarysqa qatysýshy sportshylar, sizderdi búgingi sport merekesiniń ashylýymen quttyqtaımyn. Qazirgi aıtýly merekelerimizdiń biri – Táýelsizdigimizdi toılaýǵa muryndyq bolǵan babalarymyzdyń erligin esten shyǵarmaýymyz tıis. Búgin túndigin túrgen boks jarysynda barlyqtaryńyzǵa aq jol tileımin», dedi ol.
Sondaı-aq, jarystyń ashylýy barysynda aýdannyń sport janashyrlary Shyǵys Qazaqstan oblystyq olımpıadalyq rezerv daıyndyǵy ortalyǵynyń dırektory, QR quramasynyń jasóspirimder arasynda aǵa jattyqtyrýshysy Qaırat Satjanovty «2017 jyldyń jasóspirimder arasynda eń úzdik jattyqtyrýshysy» nomınasııasyn jeńip alýymen quttyqtady.
Bylǵary qolǵap sheberleriniń básekesi bıyl alǵash ret oblystyq deńgeıde ótkizilip otyr. Sportshylar barlyǵy 15 salmaq dárejesinde myqtyny anyqtaıtyn bolady. Oblystyq týrnırde úzdik nátıje kórsetken sportshylar aldaǵy ýaqyttarda ótetin iri dodalarda óńir namysyn qorǵaıtyn bolady. Aıta keteıik, oblystyq týrnır jeltoqsannyń 7-ne deıin jalǵasady.
Azamat QASYM,
«Egemen Qazaqstan»
Shyǵys Qazaqstan oblysy,
Ulan aýdany
