Yrǵyzǵa ushaq qatynaıdy

Shalǵaıdaǵy Yrǵyz aýdanynyń ortalyǵynda áýejaı ashylyp, jıyrma jyl úzilisten keıin jolaý­shylar ushaǵy qatynaı bastady. El Táýelsizdiginiń 20 jyldyǵy qar­sa­ńynda paıdalanýǵa berilip otyrǵan áýejaıdyń ushý-qoný ala­ńyn qaıta jaraqtandyrýǵa ótken jyly 67200,0 myń teńge jumsalsa, ústi­mizdegi jyly 20006,0 myń teńge bólingen. Áýejaıdyń ushý-qoný ala­ńyn qaıta jaraqtandyrý, qalpyna keltirý jumystaryn «KazPromStroıGrýpp» JShS júrgizdi. Yrǵyz­dyqtar buryn oblys ortalyǵyna avtokólikpen 6-7 saǵat júrip ba­ra­tyn bolsa, endi L-410 ushaǵymen       1 saǵat 2 mınýtta jetetin boldy. Mun­da bes adam jumys isteıdi. Apta­syna eki ret qatynaıtyn ushaqtyń bir adamǵa bılet baǵasy 15782 teńge turǵanymen jolaýshy 3 myń teńgesin ǵana tóleıdi. Qalǵany oblystyq bıýd­jet esebinen óteledi. Áýe­jaı­dyń qurylys jumystaryn júr­gizgen «KazPromStroıGrýpp» JShS dı­rektory Baqytjan Erjanov áýejaıǵa teledıdar syılap, 15 zeınetkerge óz qarajatyna bılet alyp berdi. Jańadan ashylǵan áýe­jaıdyń lentasyn aýdan ákimi Mırhan Dýanbekov pen oblystyq jolaýshylar kóligi jáne avtomobıl joldary basqarmasynyń bas­­tyǵy Málimbet Ybyrashev qıdy. Satybaldy SÁÝIRBAI. Aqtóbe oblysy.