Qarjy: Derek pen dáıek

Elimizdegi azyq-túlik «kárzeń­ke­siniń» basym bóligin mal ónim­deri quraıtyny belgili. Son­dyq­tan bolar, osy asa mańyzdy ónim­derdi óndirýde oblys sharýa qo­ja­lyqtary bıyl aıtarlyqtaı tabys­qa qol jetkizdi. Atap aıtsaq, ótken jyldyń osy kezeńimen salystyrsaq, qoı-esh­kiniń, jylqynyń, túıeniń, shosh­qanyń sany 1-3%, al et, sút, jún jáne jumyrtqa óndirý 1-3%-ǵa artqan. Al teńgege shaqqanda ótken jyldyń 9 aıynda óndirilgen mal ónimderiniń jalpy kólemi 26, 5 mıllıard teńge bolsa, ol bıylǵy dál osy kezeńde 32, 2 mıllıard teńgege jetken. Oblys malshylarynyń mundaı zor tabysyn aýyl sharýashylyǵy mamandary óńirdegi asyl tuqymdy mal ósiretin sýbektilerdiń arta túsýine baılanystyryp otyr. Mysaly, 2001 jyly oblys boı­yn­sha 17 asyl tuqymdy mal sharýa­shy­lyǵy bolsa, qazir olardyń sany 104-ke jetipti.

Kósemáli SÁTTIBAIULY

Jambyl oblysy.

1 230 000 000 AQTО́BEDEGI AINALMA JOLǴA RESPÝBLIKALYQ BIýDJETTEN OSYNShAMA TEŃGE QARJY BО́LINETIN BOLDY.

Bul týraly oblys aktıvimen respýblıkalyq aqparattyq-na­sı­hat­tyq toptyń kezdesýinde QR Kó­lik jáne kommýnıkasııa vıse-mınıstri Asylbek Dúısebaev jınal­ǵan­dardy habardar etti. Ústi­miz­de­gi jyly oblystyń avtomobıl jol­daryn damytýǵa  respýb­lı­ka­lyq bıýdjetten 15 mlrd. teńge bó­lingen, onyń 14,7 mlrd. teńgesi res­pýblıkalyq mańyzdaǵy avto­jol­darǵa qaralǵan. Bólingen qar­jy­ǵa  uzyndyǵy 489 shaqyrym 6 jol ýchaskesin qaıta jaraqtandyrý jumystary júrgizilýde. 2012 jyly jalpy paıdalanylatyn ob­lys joldaryn damytýǵa 18,5 mlrd. teńge qaralǵan. Onyń 17,4 mlrd. teńgesi respýblıkalyq jeli jol­da­ryna bólinedi dep kútilýde. Qa­la­nyń ońtústik aınalma jolynyń  qashan bastalatyny «Batys Eýropa – Batys Qytaı» halyqaralyq kó­lik dálizi qurylysy aıaqtalǵan soń belgili bolmaq.

Satybaldy SÁÝIRBAI

Aqtóbe oblysy.

22 000 000 QAZIRGI KEZDE OBLYSTYŃ JER QORY OSYNShAMA GEKTARDAN ASTAM.

Jer – asyraýshymyz. Demek, oǵan erekshe kútim, qamqorlyq qa­jettigi belgili. Sondyqtan da eli­mizdiń óńirlerinde jyldar boıy qa­raýsyz qalǵan aýyl sharýa­shy­ly­ǵy maqsatyndaǵy jer telimderin anyqtaý men zań aýqymynda memleketke qaıtarý qolǵa alynyp otyr. Nátıjesinde aýyl sharýa­shy­lyǵy alqaptary 16 mln. 400 myń gektar, tyńaıǵan jeri 127,1 myń gektar, shabyndyq 470,7 myń jáne 14,7 myń gektar jaıylymdyq bar ekeni anyqtalǵan. Al baqsha men qyzmettik úles jerleriniń aýmaǵy 6,9 myń gektardy quraıdy. О́ńirdegi 913 aýyl sharýa­shy­ly­ǵy taýaryn óndirýshiler men 60227 sharýa qojalyqtary 2 mln. 24,4 myń gektar, orta jáne shaǵyn ká­sip­kerlikpen aınalysatyndar 97,5 myń gektar jerdi tıimdi paıdalanýda. Desek te áli de qoldaǵy jerlerin maqsatty paıdalanbaı otyr­ǵandardyń da kezdesetini anyq­talýda. Mundaı jerdiń jalpy aýmaǵy – 381,6 myń gektar. Paıdalanylmaı jatqan jerlerdi memleketke qaıtarý jalǵasýda. Qazirgi kezde oblystyq jer qory 22 mln. 400 myń gektardy qu­rasa, jyldan-jylǵa ony ıgerý men el ıgiligine aınaldyrý jumystary nátıjeli júrgizilip keledi.

Kúmisjan BAIJAN

Almaty oblysy.