Jıyn barysynda Nurlan Noǵaev Səlimjan Naqpaevqa atqarǵan jumystary úshin alǵys aıtyp, jańa qyzmette tabys tiledi.
Əkimniń jańa orynbasary bolyp Nursəýle Saılaýova taǵaıyndaldy, onyń kandıdatýrasy Prezıdent əkimshiligimen kelisilgen. Nursəýle Saılaýova əleýmettik salanyń damýyna jaýapty bolady. Al buǵan deıin ol qyzmetti atqarǵan Əlibek Nəýtıev endi aýyl sharýashylyǵynyń damýyna jaýapty. Aktıv barysynda eki orynbasar da aımaq basshysynan naqty tapsyrmalar aldy.
Nursəýle Saılaýovanyń pedagogıka salasynda eki joǵary bilimi bar, "Bolashaq" halyqaralyq bilim berý baǵdarlamasynyń stıpendıaty.
Pedagogıka ǵylymdarynyń doktory, "Qazaqstan pedagogıka ǵylymdary akademııasynyń" akademıgi.
Eńbek jolyn 1997 jyly Qazaq memlekettik qyzdar pedagogıkalyq ýnıversıtetinde aspırant bolyp bastaǵan. 2011 jyly Almaty qalasyndaǵy 167 mektepte psıholog boldy. 2002-2008 jyldary Qazaq memlekettik pedagogıkalyq ýnıversıtetinde túrli laýazymdar atqardy. 2008-2012 jyldary H.Dosmuhamedov atyndaǵy Atyraý memlekettik ýnıversıtetiniń pedagogıka, psıhologııa jəne óner fakýltetiniń dekany, 2012-2013 jyldary jastar ortalyǵynyń dırektory, 2013-2014 jyldary mektepke deıingi jəne bastaýysh bilim berý kafedrasynyń meńgerýshisi boldy. 2014-2015 jyldary Atyraý qalalyq bilim berý bóliminiń basshysy, 2015 jyldan kúni búginge deıin Atyraý oblystyq bilim berý basqarmasynyń basshysy qyzmetin atqardy.
