- Ádettegideı, sońǵy oıynǵa 1 apta buryn erte kelemiz. Qazaqstanda qazir kún salqyn, ári joldastyq oıyn ótkizýge múmkindik joq. Fýtbolshylarymyzdyń barlyǵy din aman. «Slavııa» oıynnyń favorıti ekeni túsinikti. Degenmen, bizge de úsh upaı kerek. Jeńiske jetsek naǵyz sensasııa bolady.
- Kúzde Laslo Klıaınhaısler alańǵa jaqyn arada shyǵady dep edińiz. Erteńgi matchqa shyǵýy múmkin be?
- Laslo áli tolyqtaı daıyn emes. Ol negizinen kelesi jylǵa daıyndalyp júr. Qalǵan fýtbolshylarymyzdyń barlyǵy jaraqatsyz, tolyqtaı jattyǵý ótkizip keledi.
- Resmı oıyndaryńyz sońǵy kezde azaıyp ketti. Bul durys pa, álde burys pa?
- Eshqandaı jattyǵý, joldastyq kezdesý resmı oıyndy almastyra almaıdy. Árıne, resmı oıynnyń joqtyǵy kedergisin tıgizedi. Degenmen, jaqsylap daıyndalyp shyqsaq bir oıynda jeńiske jetýge bolady. Eger jeńiske jetsek Eýropany eleń etkizer edik.
- Qarsylas komanda sapynan kimnen qaýip kútesiz?
- Shynymdy aıtsam, «Slavııa» jaqsy komanda ekenin moıyndadym. Ol komandadan 2-3 fýtbolshyny ereksheleýge bolar edi. Dese de, olardyń komandalyq qozǵalysy myqty eken. Barlyǵy birkelki deńgeıdegi fýtbolshylar. Mundaı komanda kánigi úılesimdi ujymǵa aınalady.
- Fýtbolshylaryńyzǵa syıaqy berilmeı júr dep edińiz, osy suraq sheshildi me? Sonymen qatar, ózińiz «Astanamen» kelisimdi uzartasyz ba?
- Syıaqy jóninde aıtatyn bolsam, eshteńe de sheshilmedi. Bul jaıynda eshqandaı alǵajyljý joq. Al jeke ózime keletin bolsam, áli basshylarmen sóılesken joqpyn. Osy matchtan keıin sheshilip te qalatyn shyǵar.
Ermuhamed Máýlen
