Emhanaǵa Qazaqstannyń ózge aımaqtarynan joǵary sanatty terapevt, kardıolog, nevropatolog, gınekolog, okýlıst, lor sekildi alty dáriger shaqyryldy. Bul mamandardyń barlyǵy birdeı qaladaǵy emhanalarda jetispeıdi, tipti keıbiri joq bolatyn.
«Arsenal» jaýapkershiligi shekteýli seriktestigi emhana úshin qaladaǵy burynnan qalǵan, bos turǵan úsh qabatty úıdi túgeldeı qaıta jańǵyrtyp, jóndeýden ótkizdi. 50 mıllıon teńge jumsalǵan jumystar barysynda ǵımarattyń shatyry qaıta salyndy, tereze, esikteri aýystyryldy, kommýnaldyq jeliler ornyna keltirildi.
«Buryn qala turǵyndary lor, okýlıst sekildi tar salalyq mamandarǵa qaralýy úshin Qostanaıǵa júgiretin. Mine, emhananyń artyqshylyǵy da osy bolyp otyr, salalyq mamandar qamtylǵan. Sonymen qatar, ÝZI sekildi zamanaýı medısınalyq jabdyqtar alyndy, onymen dárigerler aýrý dıagnozyn dál anyqtaýǵa múmkindik bar», deıdi medbıke Tamara Sergeeva.
«Arsenal» jaýapkershiligi shekteýli seriktestiginiń dırektory Sábıt Ábdiqadyr munda medısınalyq jabdyqtardyń ózine 50 mıllıon qarjy jumsady.
«Monoqala bolǵanymen Arqalyqtyń 28 myń turǵyny bar. Arqalyq ortalyqtan shetteý jatqandyqtan buryn basy aýyryp, baltyry syzdaǵandar dárigerge kóriný úshin basqa qalalarǵa barý qıyn bolatyn. Sondyqtan jekemenshik emhana ashý oıymda kópten júrgen maqsat edi. Emhana qala turǵyndarynyń qajetin óteıdi dep oılaımyn», deıdi Sábıt Ábdiqadiruly. Kásipker munyń syrtynda emhanaǵa shaqyrylǵan dárigerlerdi baspanamen qamtamasyz etti.
Názıra JÁRIMBET,
«Egemen Qazaqstan»
