Nurotandyqtar qatary tolyǵa tústi

Elimizdiń eń mereıli merekesi – Táýelsizdigimizdiń 20 jyldyǵy qarsańynda aımaq­tyń abyroıly da tanymal aza­mattary «Nur Otan» ha­lyqtyq-demokratııalyq partııasynyń qataryna ótýge ótinish-tilekterin kóptep bildirýde. Sonyń nátıjesinde, ob­lystaǵy partııa múshele­ri­niń sany ótken jyldyń osy merzimimen salystyrǵanda 1,5 esege ósip, osy jyldyń on aıynda 2781 adam múshe­likke ótti. Bul «Nur Otan­nyń» jetekshi, naǵyz halyq­tyq partııa ekendiginiń bir kórinisi deýge bolady. Keshe «Nur Otan» HDP ob­lystyq fılıalynyń tór­aǵa­sy, oblys ákimi Qyrymbek Kósherbaev aımaqqa aty málim 20 azamatqa partııa bıletterin saltanatty túrde tapsyrdy. Olardyń arasynda bokstan álem chempıonatynyń kúmis júl­degeri Á.Nııazymbetov, Beket ata urpaǵy, zeınetker B.Sán­dibekuly, ǵylym doktory A.Demeýova, qazaqtyń tuńǵysh kontr-admıraly R.Komratov, «Mańǵystaýmunaıgaz» AQ-tyń bas dırektory Á.Maǵaýov, ob­lys ákiminiń orynbasary B.Parıtov, jas aqyn B.Jaılaý jáne basqalar bar. Osy saltanatty sátte Pir Beket atanyń urpaǵy Berdihan Sándibekuly sóz aldy. «Men bú­gin ózimniń 80 jyldyq ómi­rimde tarıhı sátti bastan keship turmyn. Elimniń eń uly toıy Táýelsizdigimizdiń 20 jyldy­ǵy qarsańynda Ult kósh­bas­shysy Nursultan Nazarbaev basqaratyn partııa qataryna qabyldandym. Men bul jı­na­lysqa Beket atamnyń qasıetti Kók asasyn alyp keldim. Bul Ata rýhy qazaq halqyn, El­basyn, onyń sarabdal saıa­sa­tyn jemisti júrgizip kele jatqan «Nur Otan» partııa­syn árdaıym qoldap, qorǵap júrsin degen nıetim. Táýelsiz elimizdiń tuǵyry berik bolyp, kók baıraǵy bıikte jelbireı bersin! Barshamyzdy Pir Beket atanyń arýaǵy qoldasyn» degen aq tilegin bildirdi. Jolaman BOShALAQ. Aqtaý. ------------------------------- Sýrette: Pir Beket ata urpaǵy B.Sándibekuly.