Shelek aýyly da osyndaı irgeli mekender qatarynan sanalady. Halyq egemen elimizdiń órkendeýine ózindik eńbekterin arnap, qaı salada bolsyn qarymdylyq tanytýda. Kópten kútken Allanyń aq úıiniń qurylysynyń aıaqtalýy da jurtshylyq úshin úlken qýanysh boldy. Ǵıbadathananyń ashylý saltanatyna arysy Astana, berisi Taldyqorǵan men Almaty shaharlarynan qoǵam qaıratkerleri, qoǵamdyq birlestikter men uıym ókilderi qatysty. Qaltaly azamattardyń demeýshiligimen el ıgiligine aınalǵan meshittiń kógildir lentasy qıylyp, jınalǵandar ımandylyq, dostyq pen birlik, tatýlyq jaıynda keńinen áńgimeledi. Kók kúmbezi kókke tirelgen meshitte arýaqtarǵa baǵyshtalyp, quran oqyldy.
Kúmisjan BAIJAN. Almaty oblysy.
OBLYS BIýDJETI TOLYQTY. Bıyl Batys Qazaqstan oblysynyń bıýdjetinde 11 mıllıard teńgeden astam qarjy tapshylyǵy oryn aldy. Bul másele jóninde «Egemen Qazaqstanda» ótken qarasha aıynyń basynda «Bıýdjet qorjyny nege bosań» degen saraptamalyq taldaý materıal jarııalandy. О́tken aptada oblystyq máslıhat sessııasynda shyǵyndy óteý jáne aımaqtyń ekonomıkalyq-qarjylyq turaqtylyǵyn qamtamasyz etý úshin respýblıkalyq bıýdjetten 12 mıllıard teńgeden astam maqsatty transfert bólingeni atalyp ótti.
Temir QUSAIYN. Oral.
HALYQARALYQ JIYN О́TTI. Oblys ortalyǵyndaǵy memlekettik pedagogıkalyq ınstıtýtta «Úzdiksiz bilim berýdiń ózekti máseleleri» atty halyqaralyq ǵylymı-tájirıbelik konferensııa bolyp ótti. О́z elimizdiń, Reseı jáne О́zbekstan joǵary oqý oryndarynyń ǵalymdary úzdiksiz bilim berý men ony sabaqtastyrýdyń ózekti máselelerin talqyǵa saldy. Oqý ornynyń rektory Nurǵalı Arshabekovtiń aıtýynsha, ınstıtýtta orta jáne joǵary oqý ornynan keıingi bilim alýǵa múmkindik beretin memlekettik lısenzııa bar, bul úzdiksiz bilim berý qaǵıdaty bolyp tabylady. El Táýelsizdiginiń 20 jyldyǵyna oraılastyryp ótkizilgen bul jıynda ǵalymdar ózara pikir almasyp, ınnovasııalyq, jańashyl tájirıbelerimen bólisti. Al konferensııa qorytyndysy boıynsha Novosibir, Astana, Ekibastuz, Balqash, Pavlodar, Máskeý, Qostanaıdan kelgen ǵalymdardyń maqalalary jınaq bolyp shyqty.
Farıda BYQAI. Pavlodar.
SAÝAPTY IS JASADY. Ońtústiktiń ǵana emes, respýblıkamyzdyń úreıin alǵan atyshýly VICh oqıǵasynan keıin Elbasynyń pármenimen Shymkentte Qan ortalyǵy salynǵan bolatyn. Úsh mıllıonǵa jýyq halqy bar oblysta qan tapshylyǵyna zárýlik aıqyn seziledi. Alaıda, jamanattan qorqyp qalǵan áleýmet adam ómirin arashalap qalar isten boı tarta beredi. Jaqynda “Halyq Bankiniń” oblystaǵy fılıalynyń alpysqa jýyq qyzmetkeri densaýlyq saqtaý mekemesine kelip, qan tapsyrdy. Qarjygerler osylaısha azamattyq tanytty.
Baqtııar TAIJAN. Shymkent.
AIT NAMAZY JAŃA MEShITTE OQYLDY. Býrabaı aýdanyndaǵy Atameken aýylynyń jamaǵaty Qurban aıtta aıryqsha qýanyshqa bólenip, aıt namazyn jańa meshitte oqydy. Alla úıin óz qaltasynan 9 mıllıon teńge shyǵaryp, óńirge belgili kásipker Nurlan Aqynov salyp otyr. – Aýylymyzda 236 úı bar, – dedi Atameken aýyldyq okrýginiń ákimi Daýylbaı Qapezov. Munyń 53-inde Qytaı men Mońǵolııadan qonys aýdarǵan aǵaıyndarymyz tútin tútetip otyr. Aýylymyzda «Býrabaı-2007» jáne «Aıdos» JShS óndiristi isin damytsa, 30 sharýa qojalyǵy eginnen bitik ónim jınady. Astana – Býrabaı kúre jolynyń janynda eńselenip turǵan meshitimiz el birligi men yntymaǵyna qyzmet etetini anyq. Jańa meshittiń ashylý saltanatyna oblys ákimi Sergeı Dıachenko qatysyp, jurtshylyqty Qurban aıt merekesimen quttyqtady.
Baqbergen AMALBEK. Aqmola oblysy.
OBLYS ÁKIMINIŃ QOǴAMDYQ QABYLDAÝY. О́ńir basshysy Bergeı Rysqalıevtyń aı saıynǵy qoǵamdyq qabyldaýyna turǵyndar kóp jazylady. О́tken aptadaǵy qabyldaýda da solaı boldy. Qabyldaýǵa kelýshilerdiń basym bóligin, ıaǵnı muǵalim men dárigerdi de, zeınetker men jalǵyzbasty anany da páter alý qıyndyǵy tolǵandyrady. Sonymen birge, bul joly baspana máselesi ǵana emes, turǵyndar qajettiligi úshin sheshimin kútken túıtkilge alańdaýshylar da tabyldy. Sondaı bir máseleni oblystyq aýrýhananyń sanavıasııa bólimin basqaratyn Bolat Baıdaýletov kóterdi. Dárigerdiń aıtýynsha, alystaǵy aýyldarda tikushaq qonýǵa yńǵaıly alańdar salý kezek kúttirmeıdi. Ol Saǵyz, Muqyr, Qulsary, Inder sekildi turǵyndar kóp shoǵyrlanǵan aýyldarda túngi mezgilde tikushaq qoný úshin kómeski jaryq bolǵanyn qalaıdy.
Joldasbek ShО́PEǴUL. Atyraý oblysy.
ÚDEMELI DAMÝDYŃ ÚDESINEN ShYǴÝDA. О́tken aptada oblys ákimdigi kásipkerlik jáne ónerkásip basqarmasynyń bastyǵy E.Dúkenbaev baspasóz ókilderimen kezdesip, elimizdiń údemeli ındýstrııalyq-ınnovasııalyq damýynyń 2010-2014 jyldarǵa arnalǵan baǵdarlamasy sheńberinde atqarylyp jatqan jobalar jaıynda baspasóz máslıhatyn ótkizdi. Búginde atalmysh baǵdarlama boıynsha oblysta jalpy quny 134, 9 mıllıard teńgeni quraıtyn 19 ınvestısııalyq joba júzege asyrylýda. Sonyń nátıjesinde óńirde 3900 jumys orny ashylmaq. – Investısııalyq jobalardy júzege asyrý básekesinde biz elimiz boıynsha aldyńǵy sapta kelemiz. Bul – jambyldyqtar úshin maqtan etýge bolatyn nátıje. Degenmen, bitken iske masattanbaı, áli de birqatar jobalardy iske asyrý oıda bar, – dedi Erik Dúkenbaev. Onyń biri – Shý aýdanynan salynatyn Hımııalyq parktiń jobasy eken. Bul alyp kásiporyn ashylǵan jaǵdaıda aýdan turǵyndarynyń áleýmettik jaǵdaıy burynǵydan da jaqsara túspek.
Kósemáli SÁTTIBAIULY. Jambyl oblysy.
