Berlýskonı otstavkaǵa ketpekshi

Italııa premer-mınıstri Sılvıo Berlýskonı el prezıdentimen áńgimeleskennen keıin óziniń otstavkaǵa ketý nıeti bar ekenin málimdedi. Biraq ol el parlamenti 2012 jylǵa arnalǵan ekono­mıkalyq reformalar men bıýdjetti bekitkennen keıin ǵana ketpekshi. Parlamenttik tyńdaýlar men eki qujatty bekitý qarasha aıynyń aıaǵynda ótýi tıis. Biraq saıasattanýshylar qazirgideı jaǵdaıda oppozısııanyń qujattardyń qaralýyn tezdetýi múmkin ekendigin atap kórsetýde. JAŃA ÚKIMET QURAMY MÁLIMDELMEK Grekııanyń premer-mınıstri Georgıos Papandreýdiń kabınetin almasty­ratyn koalısııalyq úkimetiniń quramy sársenbi kúni habarlanady. Premer-mınıstr respýblıka prezıdentimen kezdesý ótkizedi, odan keıin prezıdent saıası partııalar basshylyǵymen kezdesedi. Tek sodan soń ǵana jańa úkimettiń quramy habar­lanady. Premer oryntaǵynan úmitkerler ishinde qazirgi parlament spıkeri Fılıppos Pesalnıkos pen onyń aldynda bolǵan spıker Apastolos Kaklamanıstiń esimderi atalýda. ORTAQ KELISIMGE KELE ALMAI OTYR BUU Qaýipsizdik Keńesi Palestınany uıymǵa qabyldaý máselesi boıynsha ortaq kelisimge kele almaı otyr. Uıymnyń málimdemesinde Palestına avtonomııasyn BUU múshesi retinde taný jónindegi ótinishti qabyldaý týra­ly pikirdiń 15 múshe eldiń arasynda túrlishe qabyldanǵany atap kórsetilgen. Máselen, AQSh pen onyń odaqtastary avtonomııa tıisti krıterıılerge sáıkes kelmeıdi dese, qata­rynda Reseı bar onyń opponentteri Palestınany múshe­likke qabyldaý múmkindigin talap etýde. ZILZALA TAǴY QAITALANDY Túrkııanyń shyǵysyndaǵy Van provın­sııasynda bolǵan jer silkinisi saldarynan 4 adam zardap shekken. Zilzala oshaǵy Túrkııadaǵy eń iri Van ózeni aýdanynda bolǵan kórinedi. Jer asty dúmpýlerin Van jáne Bıtlıs provınsııa­larynyń turǵyndary birdeı sezingen. 5,6 balldy quraıtyn jer silkinisi sársenbige qaraǵan túni oryn alǵan kórinedi. Qutqarý qyzmeti, polısııa men medıkter shuǵyl túrde zilzala bolǵan aýdan aýmaǵyn baqylaýǵa aldy. BILIK TÚGEL JAŃARADY Polshada jańa úkimet pen zań shyǵarýshy bılikti qurý úderisi bastaldy. Eldiń premer-mınıstri Donald Týsk pen mınıstrler kabınetiniń músheleri 8 qarashada el prezıdenti Bronıslav Komorovskımen kezdesken soń, prezıdent olardyń otstav­kasyn qabyldaǵan. Sonymen birge, Komorovskı Týskke 22 qarashaǵa deıin jańa úkimet qurýdy tapsyrǵan. Týsktiń aı­týynsha, jańa úkimet múmkin bolǵanynsha tez arada qury­latyn bolady. Al 8 qarashada 9 qazan kúni saılanǵan Seımniń alǵashqy otyrysy ótti. KEK QAITARÝ OPERASIIаSY Lıvııany azat etý armııasynyń jaýyngerleri «17 aqpan batalonynyń» emıri Ahmed Almjırıdi tutqynǵa aldy. Ol darǵa asylý arqyly ólim jazasyna kesilgen bolatyn. Keıbir aqparattarǵa qa­raǵanda, Almjırı polkovnık Hatıshty azap­tap óltirgen. Úkim Sırt qalasyna kireberiste júzege asyryldy. Lıvııany azat etý armııasynyń jaýyngerleri taıaý ýaqyttarda ózderiniń ákesi, kóshbasshysy Mýamar Kaddafı úshin kek qaıtarý operasııasyn júrgize­tindikterin málimdeýde. NATO MÚMKINDIKTERI ULǴAITYLMAQ  AQSh prezıdenti Barak Obama men NATO bas hatshysy Anders Fog Rasmýssen alıanstyń áskerı múmkindikterin ulǵaıtý jóninen  is-sharalar ótkizý týraly kelisimge keldi. Eki lıderdiń pikirinshe, bloktyń áleýeti qazirgi ýaqytta HHI ǵasyr daıyndaǵan qaýipsizdikke tónetin qaterlerge sáıkes kelmeıdi. Sol sııaqty B.Obama men A.F.Rasmýssen Lıvııadaǵy jeti aıǵa sozylǵan áskerı operasııa qorytyndylaryn da talqylaǵan. Soltústik Afrıkadaǵy operasııany aıaqtaýdyń syrtynda B.Obama Amerıka áskerıleriniń Aýǵanstanda bolýyn qysqartý taqyrybyn da qozǵaǵan kórinedi. TAǴY BIR PARTIIа DÚNIEGE KELDI  Ońtústik Osetııa respýblıkasynyń «Alǵa, Osetııa!» qoǵamdyq-saıası qozǵa­ly­sy «Birtutas Alanııa» partııasy bo­lyp qaıta qurylmaqshy. Bul týraly sheshim Vladıkavkazda ótken konferensııada qabyldanǵan. Onyń jumy­syna Ońtústik Osetııanyń barlyq aýdan­darynyń ókilderi, sol sııaqty respýblıkadaǵy birqatar partııa­lar men qozǵalystardyń delegattary, soltústiko­setııalyq parlament depýtattary, Ońtústik jáne Soltústik Osetııanyń qoǵam qaıratkerleri qatysqan. Konferensııaǵa qatysýshylar respýblıka prezıdenti saılaýy qarsańynda elde oryn alǵan antıdemokratııalyq saıasatqa baılanysty asa kúrdeli ahýaldyń qalyptasyp otyrǵanyn atap kórsetken. ǴARYSh APPARATYNAN AQAÝ ShYQTY О́tken 15 jyl ishinde alǵash ret Kún júıesi planetala­ryna baǵyttalǵan reseılik ǵarysh apparatynan aqaý shyqty. 9 qarasha kúni Reseı men Ýkraına birlesip shyǵarǵan «Zenıt-2 SB» zymyran tasymaldaǵyshy Baıqońyr ǵarysh aılaǵy­nan ushyp shyqqan bolatyn. 688 sekýnd ushýdan soń plane­taaralyq  «Fobos-Grýnt» stansasy qozǵaltqysh blokpen birge zymyran tasymaldaǵyshtyń ekinshi satysynan bólinip, Jer tóńiregindegi tirek orbıtasyna shyqqan edi. Sodan beri apparatpen eshqandaı baılanys bolmaı otyr. Internet materıaldary negizinde ázirlendi.