Oblys ortalyǵyndaǵy Bylǵary zaýyty yqshamaýdany da kóp zalal shekti. Sınoptıkterdiń aıtýynsha mundaı sý tasqyny sońǵy 60 jylda tirkelmepti. Osy aýmaqta qaýipsizdik sharalaryn nyǵaıtý maqsatymen Úkimettiń rezerv qorynan 2,6 mıllıard teńge bólinip, uzyndyǵy 3 shaqyrym, bıiktigi 5 metrden asatyn bógen turǵyzyldy. Qurylys jumystarymen «Qazpako» JShS aınalysyp, 300 adam, 200-deı tehnıka jumyldyryldy. Sóıtip eki aıdyń ishinde paıdalanýǵa berildi.
«Nysandy turǵyzý kezinde kóp jylǵy málimetter jan-jaqty eskerildi. Burynǵy bógenniń uzyndyǵy 883 metr, bıiktigi 3 metr ǵana bolatyn. Ol úılerdiń bir bóligin ǵana qorǵap qaldy. Sondyqtan barynsha nyǵaıtylyp, sýdyń kóterilý bıiktigi eseptelindi. Endi eshqandaı qaýip tónbeıdi» , dedi aımaq basshysy Qumar Aqsaqalov turǵyndarmen kezdesýde.
Búginde Bylǵary zaýyty yqshamaýdanynda ornalasqan 470 turǵyn úıde 3700-ge jýyq adam turady. Kelesi jyly abattandyrý jumystary atqarylyp, ishki joldar jóndeledi. Balalar alańdary salynady.
100 myń adam turatyn 57 eldi meken sý basý qaýpi bar aımaqtarda qonystanǵan. Osyǵan oraı 2017-2020 jyldarǵa arnalǵan sý tasqyny qaýpiniń aldyn alý jáne joıý boıynsha is-sharalar kesheniniń jol kartasy ázirlendi. Bógetter salý , qubyrlar, joldar tartý isine 7 mıllıard teńge bólinetin bolady.
О́mir Esqalı,
«Egemen Qazaqstan».
Soltústik Qazaqstan oblysy
