Kúni keshe atalmysh sport túrinen kil myqtylar synǵa túsken jarysta shyǵysqazaqstandyq sportshylar júldegerler qatarynan kórindi. Atap aıtsaq, irikteý saıysynda kósh basynda turǵan Dmıtrıı Reıherd fınaldyq básekede 85.11 upaı jınap, álem kýboginde kúmis medal enshiledi. Qola júlde 84.44 upaımen taǵy bir shyǵysqazaqstandyq sportshy Pavel Kolmakovqa buıyrdy. Qazaqstandyq sportshylardyń aldyn orap ketken tájirıbeli sportshy, ári Sochı olımpıadasynyń kúmis júldegeri Maıkl Kınsberı 87.45 upaı enshilep, jarys jeńimpazy atandy. Aldaǵy kúnderi ShQO sportshylary Qytaı jerinde ótetin álem kýbogi kezeńinde óner kórsetedi.
Azamat QASYM,
«Egemen Qazaqstan»
Shyǵys Qazaqstan oblysy
