Onyń aıtýynsha, oblys bıýdjetiniń basym bóligi áleýmettik salalarǵa baǵyttalǵan. Máselen, bilim berý salasyna jalpy 42,9 mlrd. teńge qarastyrylsa, densaýlyq saqtaý salasyna 19,5 mlrd. teńge, halyqty áleýmettik qoldaý salasyna 6,9 mlrd. teńge baǵyttalyp otyr. Sonymen birge, mádenıet jáne sport salalaryna 17,9 mlrd. teńge bólinse, turǵyndardy taza aýyz sýmen qamtý maqsatynda 33 jobany iske asyrý úshin 6,0 mlrd. teńge qarastyrylǵan. Osynyń nátıjesinde 16 joba iske qosylyp,13 eldi meken aýyz sýmen qamtylyp, jalpy qamtylǵan eldi mekender sany 636-ǵa jetedi dep kútilýde.
Sonymen qatar, basqarma basshysy turǵyn úı salasy boıynsha 77 nysannyń qurylysyna 25,6 mlrd. teńge baǵyttalyp, jalpy alańy 208,6 myń sharshy metrdi quraıtyn 3 434 páterli 72 úı paıdalanýǵa beriletinin atap ótti.
«Injenerlik - kommýnıkasııalyq ınfraqurylym salasy boıynsha 20 nysannyń qurylysyna 1,9 mlrd. teńge qarastyrylyp, 16 nysandy iske qosý josparlanýda. Halyqty kógildir otynmen qamtý maqsatynda 67 nysannyń qurylysyna 14,4 mlrd. teńge qarastyrylyp otyr. Nátıjesinde 28 eldi mekendegi 64 844 adam gazben qamtamasyz etilip, qamtylǵan eldi mekender sany 372-ge jetetin bolady. Jáne de elektr energııasy baǵyty boıynsha 12 nysannyń qurylysyna 2,9 mlrd. teńge qarastyrylyp, 16 eldi meken sapaly elektr energııasymen qamtylady»,-dedi A.Sábıtov.
Sonymen qatar, sessııa jumysynda depýtattar OQO jergilikti polısııa qyzmetiniń bastyǵy polısııa polkovnıgi A.Seıdýalıevtiń osy jyldyń 10 aıynda atqarǵan jumystarynyń esebin tyńdady.
Jalpy aǵymdaǵy jyldyń 10 aıynda Jergilikti polısııa qyzmeti bólinisteriniń tarapynan oblys aýmaǵynda qoǵamdyq tártip pen qaýipsizdikti qamtamasyz etý baǵytynda birqatar naqty is-sharalar júzege asyrylǵanyn aıtqan polısııa polkovnıgi óńirde oryn alǵan jalpy qylmystar 12,9 paıyzǵa kemigenin jetkizdi. Onyń ishinde asa aýyr qylmystar 6,8 paıyzǵa, aýyr qylmystar 8,3 paıyzǵa, tonaý 9,7 paıyzǵa, bopsalaý 15,1 paıyzǵa, zorlaý 21,5 paıyzǵa, buzaqylyq 33,3 paıyzǵa, bótenniń múlkin urlaý 11,6 paıyzǵa tómendegenin atap ótti.
Jergilikti polısııa qyzmeti tarapynan atqarylǵan jumystarǵa qanaǵattanarlyq baǵa bergen halyq qalaýlylary qoǵamdyq tártipti saqtaý, jol qaýipsizdigin qamtamasyz etý jáne turmystyq qylmysqa qarsy is-qımyl jasaý jónindegi mindetterdi jetildirý qajettigin aıtty.
Máslıhat otyrysynda qaralǵan 20 máseleniń barlyǵyn baıyppen tyńdaǵan oblys ákimi J.Túımebaev búgingi sessııada oblysymyzdyń áleýmettik-ekonomıkalyq jáne qoǵamdyq-saıası jaǵdaıyna edáýir yqpal jasaıtyn máseleler talqylanǵanyn jáne óńirdiń damý jolyndaǵy týyndap jatqan máselelerge beı-jaı qaramaı, belsendilik tanytyp otyrǵan depýtattarǵa rızashylyǵyn bildirdi.
«Josparly kezeń bıýdjet jobasyn qalyptastyrý barysynda birinshi kezekte sheshýdi qajet etetin ózekti máselelerge mán berildi. Kelesi jyly 320 mańyzdy áleýmettik nysandardyń qurylysy júrgiziletin bolady. 10,5 mlrd. teńgege 61 bilim berý nysandarynyń qurylysy júrgizilip, 46-sy iske qosylady, onyń ishinde 9 apatty jáne 5 úsh aýysymdy mekteptiń máselesi sheshiledi.Kelesi jyly apatty, jaldamaly jáne yńǵaılastyrylǵan ǵımaratta otyrǵan 37 medısınalyq pýnktterdiń máselesi sheshiletin bolady. Sondaı-aq, medısınalyq uıymdardy kompıýterlik jabdyqtarmen 100% qamtamasyz etý maqsatynda 1,9 mlrd. teńge josparlanýda. Al kásipkerlikti damytýǵa 7,9 mlrd. teńge kóleminde qarjy qarastyrylyp otyr»,-dedi aımaq basshysy.
Sonymen birge ákim aýyl sharýashylyǵyn qoldaýǵa jalpy 25 mlrd. teńgeden astam qarjy qarastyrylǵanyn, onyń ishinde 22,4 mlrd. teńgesi sýbsıdııaǵa baǵyttalǵanyn aıtty. Bólingen qarjylar aıasynda keler jyly oblys ekonomıkasynyń ósimin 2,5 paıyzǵa jetkizý josparlanýda dedi, - J.Túımebaev.
Sessııa barysynda oblystyq máslıhat depýtattary Qazaqstan Respýblıkasynyń elordasy – Astana qalasynyń 20 jyldyǵyna oraı, oblys ákimi Janseıit Túımebaevqa Elbasymen birge alǵashqy bolyp Astanaǵa qonys aýdaryp, el ordasy – Astananyń ákimshilik-iskerlik ortalyq retinde qalyptasýyna, ekonomıkalyq jáne sáýlettik damýyna, halyqaralyq arenadaǵy abyroı-bedeliniń artýyna súbeli eńbek sińirgeni úshin alǵys bildirdi.
Sonymen birge, oblystyń áleýmettik-ekonomıkalyq jáne qoǵamdyq-saıası damýyna sińirgen eńbegi úshin salalyq mádenıet, sport jáne aqparat qyzmetkerleri kásiptik odaǵynyń «Eńbek dańqy» tósbelgisimen oblystyq máslıhattyń depýtaty Nuraly Ábishov jáne oblystyń damýyna erekshe sińirgen eńbegi men qoǵamdyq ómirge belsendi qatysqany úshin Ońtústik Qazaqstan oblysynyń Qurmet gramotasymen oblystyq máslıhat apparaty turaqty komıssııalar bóliminiń bas ınspektory Baıan Ýtemalıeva marapattaldy.
