Tehnıkany ózimiz qurastyramyz

«QaratalAgroTeh» kom­pa­nııa­­synyń dırek­tory Bazarhan Baıtaev, jańa «Arlan» júrdek tra­k­­torlaryn shyǵarý bas­­tamasy jaıly by­laı­sha áńgimeleıdi. – Qaı salanyń bolsyn qol jetkizgen jetistigin aıtqanda ót­ken ǵasyrdyń sońǵy jylda­ry­n­daǵy qıyndyqtar eske tú­se­di. Máselen, naryqqa ótpeli ke­zeń qaı salanyń bolmasyn irgesin álsiretip-aq ketti. Jekeshelendirý bastalyp, ujymnyń qolyndaǵy tehnıka ta­lapaıǵa tústi. Eskileriniń ózi­ne qol jetkizý úlken máselege aınaldy. Sharýashylyq qury­lymdary qosalqy bólshekterdi jamap-jasqaýdyń kómegimen «il­dáldalaǵan» tehnıkalar da syr bere bastady. Olardy jańa­laýǵa qyrýar qarjy kerek. Al dıqan bolsa, egistiktegi jumys­tardyń agrotehnıkalyq talap­tar­ǵa saı oryndaı almaǵanyna qynjyldy. Demek, otandyq tehnıka shyǵarý qajettigi kún tár­tibinde turdy. Ony qolǵa alý kerektigin túsindik. Osy kezde suranysqa ıe joba júzege asty. Bastaǵan isimiz nátıjeli boldy. Qazir Qaratal aýdanyndaǵy Úshtóbe qalasynda aýyl sharýa­shylyǵyna arnalǵan dońǵalaqty traktor shyǵarý isine ujym mú­­sheleri belsene kirisip otyr. Kóp oıla­nyp, júrdek tehnı­ka­ny «Arlan» dep ata­dyq. Trak­tor­lardy qu­ra­s­­tyrý bu­ryn­­ǵy jón­deý-me­ha­nı­ka­­lyq ká­sip­or­­ny aým­a­ǵynda júzege asy­ry­­lýda. Árıne, kúr­deli másele­­niń tııa­naǵyn keltirýge qy­rý­ar qarjy kerek ekendigi belgili. Atalǵan jobaǵa 268 mln. teńge ınvestısııa tartylyp, «Qa­­ra­tal­Agro­­Teh» kompanııasy qu­ryl­sa, stra­­­tegııalyq áripte­si­miz – Qytaı­­­dyń birinshi memlekettik «ÚTO Group» traktor zaýy­ty. Jarty ǵasyrdan astam ta­rı­hy bar bul zaýyt álemniń 98 el­in tehnıkamen qamtamasyz etedi. Úshtóbede qurastyrylatyn «Arlan-200», «Arlan-254», «Ar­­lan-404» traktorlarynyń Qa­zaq­stan rynogynda báseke­le­si joq ekenin ýaqyttyń ózi dá­lel­dep otyr. Shaǵyn jáne orta fermerlik sharýashylyqtar úsh­in baǵasy jáne qoldanysta qo­laılylyǵymen erekshelenedi. Ár traktordyń paıdalaný mer­zimi 8-10 jylǵa eseptelgen. Jıyrma attyq kúshten 180 at­tyq kúshke deıingi aralyqty qam­tıtyn túrli qýattaǵy trak­tor­dyń bes túri sharýalardyń qolyna tıdi. Jyl on eki aıda bir tolastamaıtyn aýyl sharýa­shy­lyǵynda kádege asqan tehnıka kúshi biz úshin qýanyshty. Oǵan qosa zaýytta basqa da aýyl­sha­rýa­shylyq tehnıkalary men ag­re­gattary shyǵarylýda. Áli de izdenisti ister jalǵasa­tyny anyq. Zaýyt jumysyn 2009 jyl­­­dyń sáýir aıynda bastady. Sodan beri kóp ýaqyt ótken joq. Qazirgi kezde «QaratalAgroTeh» kompanııasy jyl saıyn 700 trak­tor qurastyrýdy josparlap, belsendiligimen tanylyp keledi. Otandyq «brend» sanalǵan ká­­siporynǵa jergilikti jerdiń ju­­­­mysshylary tartylǵan. Ta­laı­dyń eki qolǵa bir jumys ta­býyna negiz bolǵan zaýytta jı­yr­maǵa jýyq jumysshy eńbek etedi. Qadam basqanyna sanaýly ǵana jyl bolǵan kásiporyn jý­yrda júz on altynshy trak­to­ryn shyǵardy. Bul – Táýel­siz­diktiń 20 jyldyq merekesine tamasha tartýymyz. Ujym ár kún­di erekshe qarqynmen atap ótip, sapaǵa erekshe kóńil bólýde. Oı­lap otyrsaq, táýelsizdik salany da jańǵyrtty. Ony óz isimizden-aq kórip otyrmyz. Kúmisjan BAIJAN. Almaty oblysy.