Indýstrııalyq-ınnovasııalyq qyzmetti qoldaý jandana túsedi

Keshe Parlament Májilisiniń kezekti jalpy otyrysy bo­­lyp, ony palata Tóraǵasy Oral Muhamedjanov ashyp, júr­gizip otyrdy. Toǵyz másele engizilgen kún tártibiniń jobasy biraýyzdan qabyldandy. Sonyń ishinde eń mańyzdysy «Indýstrııalyq-ınnovasııalyq qyz­metti memlekettik qoldaý tý­ra­ly» zań jobasy ekeni kórinip tur­dy. Ol birinshi oqylymda ma­quldandy. Zań jobasy boıynsha baıandama jasaǵan Indýstrııa jáne jańa tehnologııalar mınıstriniń birinshi orynbasary Albert Raý qa­byldanatyn zańnama óndiristi ındýstrııalandyrý isin damytýǵa, ǵylymı, ekologııalyq taza jáne básekege qabiletti joǵary tehno­logııalardy engizýge yntalan­dy­ra­dy, dedi. Sonymen birge zań jobasy ındýstrııalyq-ınnova­sııa­lyq shaǵyn jáne orta bıznesti qurýǵa múmkinshilik berip, aı­maq­tardyń keshendi jáne tıimdi da­mýyna óz úlesin qosady. Zań jo­basyn talqylaý barysynda ju­mys tobynyń otyrystaryna qa­tys­qan depýtattar ózderiniń tú­zetýleri men tolyqtyrýlaryn aıt­­­­ty. Sonyń ishinde jer úles­teri konkýrssyz beriletin ındýs­trııa­­­­­lyq-ınnovasııalyq sýbekti­lerdi anyqtaý boıynsha qosym­shalar en­­g­izdi, dedi vıse-mınıstr. Sol ar­­­qyly zań jobasy memlekettik organdar men ındýs­trııa­lyq-ınno­­­­vasııalyq qyzmet sýb­ek­tileriniń arasynda týyndaı­tyn qoǵamdyq qaty­nastardy retteıdi deı kelip A.Raý aǵymdaǵy jaǵdaılardy baǵalaý negizinde jáne eldiń ekonomıkalyq damýy­nyń uzaq merzimdi maqsattaryna qol jetkizý úshin ındýstrııalyq-ınnovasııalyq qyz­met­ti memlekettik retteý máselelerimen tikeleı nemese janama qıylysatyn Qa­­zaqstan Respýblıkasynyń keıbir zań­namalyq aktilerine de ózgerister men tolyqtyrýlar engizý qajettigin atap ótti. Sóıtip, ilespe zań jobasy boı­yn­sha Jer jáne Salyq kodeksterine, son­daı-aq «Qazaqstan Respýblı­ka­syndaǵy jergilikti memlekettik ózin-ózi basqarý týra­ly», «Aksıonerlik qoǵamdar týra­ly», «Saýda qyzmetin retteý týraly», «Kon­sessııalar týraly», «Memlekettik satyp alý týraly», «Bilim týraly», «Ulttyq ál-aýqat qo­ry týraly», «Jer qoınaýy já­ne jer qoınaýyn paıdalaný tý­raly» zańdaryna tolyqtyrýlar engiziledi. Biraz depýtattar su­raq­tar berip, keıbir má­­selelerdi anyqtaǵan soń eki zań jo­­basy da birinshi oqylymda ma­quldandy. Mádenıet mınıstri Muhtar Qul-Muhammed «Materıaldyq emes mádenı murany qorǵaý tý­raly konvensııany ratıfıkasııalaý týraly» zań jobasy jó­ninde baıandama jasady. Depýtattar bul máseleni talqylaýǵa da qyzý qa­tysyp, kóptegen suraqtar berdi. Baıan­damashy qazaqtyń domby­ra jáne qo­byzben or­yndalatyn kúı ónerin, aıtys­ty, oryn­daý­shy­lyq sheberlikter jáne t.b. tolyp jatqan materıaldyq emes mu­rasyn osy zań jobasyn qa­byldap, kon­ven­sııany ratıfıka­sııa­laǵan soń IýNESKO-nyń qor­ǵaýyna aldyramyz degen soń depýtattar zań jobasyn qyzy­ǵý­shy­lyqpen maquldady. Konven­sııa­nyń ózi 2003 jy­ly 17 qa­zanda Parıjde qabyl­dan­ǵan. Sonymen qatar otyrysta «Qa­­zaq­­stan Respýblıkasynyń keıbir zańnama­­lyq aktilerine zııatkerlik menshik máse­le­­leri boıynsha óz­gerister men tolyq­ty­­rýlar engizý týraly» zań jobasy ekinshi oqy­lymda depýtattar talqy­sy­na shy­­ǵaryldy. Jumys tobynda qa­ralǵan má­se­leler jáne jańadan engizilgen tú­ze­týler týraly Má­ji­listiń Zań­na­ma jáne sot-qu­qyq­tyq reforma komı­tetiniń mú­shesi Zaǵıpa Balıeva baıandap ót­ti. Zań jobasynda zııatkerlik men­shik quqyq­tary máselelerin retteıtin Qa­zaqstan Respýblıka­synyń qoldanysta­ǵy zańna­ma­­lyq aktilerine ózgerister men to­lyq­­tyrýlar engizý kózdelgen. Zań jo­ba­syn­da qarastyrylyp otyr­ǵan, basqa zań­na­malyq aktilerge engiziletin túze­týler ishki qaıshy­lyqtardy joıýǵa, patenttik senim bildirilgen ókilder márte­besin zań júzinde bekitýge, son­daı-aq ónerkásiptik menshik obekti­le­ri­ne ótinimderdi qaraý merzimin qys­qartýǵa baǵyttalǵan. Qaralǵan máselelerdiń ara­syn­­da Parlament Májilisiniń Reg­la­mentine ózge­ris­t­er men to­lyq­ty­rýlar engizý, «2012-2014 jyl­dar­ǵa arnalǵan respýblı­ka­lyq bıýd­jet týraly» Qazaqstan Respýblı­ka­sy Zańynyń joba­sy­na Qazaq­stan Res­pýb­lıkasy Par­la­mentiniń Senaty engizgen ózge­rister men to­lyqtyrýlardy qa­raý da engizilgen eken. Bul máse­le­ler palata de­pý­­tattary tara­py­­nan qoldaý tapty. Jaqsybaı SAMRAT.