Sharanyń maqsaty – din salasyndaǵy taqyryptar tóńireginde qalam terbep júrgen jýrnalıstermen, BAQ ókilderimen jáne sarapshylar qaýymdastyǵy ókilderimen dinı baǵyttaǵy memlekettik saıasatty iskeasyrýdy aqparattyq súıemeldeý máseleleri boıynsha pikir almasý, basymdyqtardy anyqtaý jáne usynystar berý.
Jıynǵa jetekshilik etken Din isteri komıteti tóraǵasynyń orynbasary Álııa Ábildınova alǵy sózinde búgingi qoǵamnyń radıkaldyq ıdeologııaǵa qarsy ımmýnıtetin qalyptastyrýdaǵy BAQ ókilderiniń rólin aıryqsha atap ótti.
Sonymen qatar, komıtettiń din salasyndaǵy memlekettik saıasatty iske asyrý baǵytynda júrgizilip otyrǵan jumystar men ondaǵy basymdyqtarǵa keńinen toqtaldy.
«Osy rette qazaqstandyq qoǵamda qalyptasyp otyrǵan konfessııaaralyq kelisimdi saqtaý men nyǵaıtý memleket tarapynan júrgizilip otyrǵan júıeli saıasattyń nátıjesi. Sol sebepten BAQ ókilderin qoǵamymyzda berik ornyqqan tatýlyq pen kelisimdi, zaıyrly qaǵıdattar men dástúrli rýhanı qundylyqtardy keńinen nasıhattaýǵa jáne turǵyndardyń boıynda radıkaldyq dinı aǵymdardyń teris ıdeıalaryna qarsy tura alatyn ımmýnıtet qalyptastyrý isine belsendi qatysýǵa shaqyramyn» dedi Á.Ábildınova.
Semınar-trenıng aıasynda elimizge keńinen tanymal jýrnalıst, L.N.Gýmılev atyndaǵy Eýrazııa Ulttyq ýnıversıteti Jýrnalıstıka ınstıtýtynyń dırektory Namazaly Omashev pen Aqparat jáne kommýnıkasııalar mınıstrligi Ortalyq kommýnıkasııa qyzmetiniń basshysy Anastasıeı Shegorsova jáne Qazaqstan Respýblıkasy Prezıdeti janyndaǵy adam quqyqtary jónindegi komıssııa múshesi Gúlnaz Nabıdinı nysandarǵa baılanysty aqparat taratýdy túsindirýdiń zamanaýı ádisteri baǵyty boıynsha taqyryptyq baıandama jasady. Jıyn sońynda is-sharaǵa qatysýshylar kóterilgen máseleler tóńireginde oı bólisip, pikir almasty.
Nurlybek DOSYBAI,
«Egemen Qazaqstan»
