Al basqarmanyń esebinshe, qardy tyǵyzdaýǵa arnalǵan sheteldik tehnıka, basqa qajetti qurylǵylar endi ǵana satyp alynypty. Myrzashoqy Qarajar aýyly mańynda. Jazda Túrkııadan oryndyqtary bar arqan joly ákelinip, qurastyryldy. Bıiktigi bir shaqyrymdy quraıtyn taýdan 800 metr tómenge qaraı syrǵanaıtyn arnaıy jol salynýda. Bolat Baqaýov shańǵy keshenin salýǵa qarjy tabyldy, jobalyq-smetalyq qujattamany daıyndadyq, halyqqa ýáde berdik. Shańǵy bazasy bıyl qysqa daıyn bolýy kerek, -degen –di Baıanaýylǵa sapar barysynda. Joba-Baıanaýyl aýdanyndaǵy týrızmdi damytýdyń bas josparyna engizilgen.
Oblystyq dene shynyqtyrý jáne sport basqarmasynyń málimetinshe óńirde 2017-2019 jyldarǵa arnalǵan «Dene shynyqtyrý jáne sport salasyn damytý» tujyrymdamasyn júzege asyrý úshin negizgi 5 baǵyt boıynsha jospar jasalynǵan. Birinshiden, sporttyq ınfraqurylymdardy damytý, odan keıin kadrlyq áleýetti kóterý, balalar-jasóspirimder sporttyq mekemeler jelisin ashý. Jalpy buqaralyq sport túrlerin jáne sporttyq jetistikterdi kóbeıtý. Aldaǵy jyldary memlekettik-jekemenshik seriktestik aıasynda oblys ortalyǵynda Olımpıadalyq daıyndaý ortalyǵynyń, Jabyq jeńil atletıka jáne Fýtbol alańynyń qurylysy josparlanýda.
Farıda Byqaı
«Egemen Qazaqstan»
Pavlodar
