Jańaózende – molshylyq jármeńkesi

Jańaózen qalasynda «Tıimdi baǵa – berekeli dastarqan» uranymen azyq-túlik jármeńkesi ótti. Azyq-túlik ónimderi Aqtóbe, Qyzylorda, Jambyl jáne Almaty oblystarynan jetkizildi. Qasıetti Qurban aıt merekesi qarsańynda – 5-6 qarashada «Qaz­MunaıGaz» Barlaý О́ndirý» aksıonerlik qoǵamy men Mań­ǵys­taý oblysy ákimdiginiń qoldaýy­men astyqty aımaqtardan kóp­te­gen taǵam túrleri ákelindi. Ja­ńa­ózen turǵyndary arzan baǵa­men jetkiziletin sapaly ónimnen dám tatyp, aımaq jetistikterin tamashalady. Bul kúnderi qara­pa­ıym qala turǵyndary úshin jármeńkeden qajetti ónimder satyp alýǵa mol múmkindik týdy. Ol óz kezeginde azyq-túlik baǵa­syn turaqtandyrýǵa da úlken septigin tıgizbeı qoımady. Aqtóbe oblysy aýyl sharýa­shylyǵy jóninen birqatar jetistikke jetken aımaq. Sondyq­tan Aqtóbeden arnaıy kelgen kerýende kartop, kókónis, baý-baqsha ónimderi kóp boldy. Syr boıynan kelgen sálemdemeniń de jóni bólek. Jambyl oblysy da jarqyn jetistikterimen keletindigi kútilgen edi, solaı boldy da. Bir ǵana Jambyl oblysynyń óz­inde júzden asa jylyjaı ju­­mys isteıtinin eskersek, jár­­meń­kede jyr alyby Jambyl eliniń dastarqany da jańaó­zen­­­dikterge arnap keńinen jaıyldy. Alǵashqy jaıma saýda Qur­­­­ban aıt merekesi qarsańynda – 5-6 qarashada qalanyń Táýel­siz­dik alańynda jáne «Rahat» sha­ǵyn aýdany men «Jibek joly» bazarynda ótti. Aıta ketý kerek, bul jármeńkeniń ereksheligi – Jańaózendegi kóterme jáne kom­mýnaldyq bazar narqynan kem degende 15-20 paıyz tómen baǵa­men satyldy. Máselen, qazir qa­la bazarynda kılosy 1350 teń­geden satylyp júrgen qoı etiniń 10 tonnasy 1000 teńgeden jetkizildi. Sondaı-aq, 490 teńgege ba­ǵalanatyn taýyq etiniń ár kılo­­sy 410 teńgeden saýdaǵa shyǵa­ryl­dy. Al, 60 tonna kartoptyń ár kılosy 80 teńgeniń ornyna 58 teńgege satyldy. Baǵa belgileýdegi osyndaı eleýli aıy­r­ma­­shylyq jańaózendikterdiń azyq-túlik qoryn molaıtyp, kóńil­­derin kónshitkendigi ámbege aıan. Jyl aıaǵyna deıin jańa­ózen­dikter bes ret jármeńkeniń dý­yn qyzdyryp, molshylyqqa keneletin bolady. Árıne, buǵan jergilikti óndirýshiler de óz úlesterin qospaqshy. «QazMunaıGaz» Barlaý О́n­­­­di­rý» AQ óz qarjysyna taǵam túr­lerin óndirýshilerden tikeleı sa­typ alyp qana qoımaı, muzdat­­qysh kameralary men kókónis, daqyl ónimderin saqtaıtyn jaı­la­ry bar arnaýly qoımalardy da jalǵa aldy. Saýda júrgizýge kerekti qural-jabdyqtar alyn­dy. Satýshylar, júrgizýshiler se­­­­­kildi mamandyqtar boıynsha jumys oryndary quryldy. Al­daǵy ýaqytta bul sharany ıgi dástúrge aınaldyrý kózdelýde. «QazMunaıGaz» Barlaý О́n­di­rý» AQ pen Mańǵystaý oblysy­nyń ákimdigi birlesip, osylaısha arzan azyq-túlikti turaqty túr­de jetkizip turýǵa baǵyt usta­­nyp otyr. Saýdaǵa shyǵary­­la­­­­tyn taǵam túrleri de keleshekte kóbeıe túspek. «Egemen-aqparat».