Astanada Qaıyrymdylyq uıymdary ókilderi men donorlardyń respýblıkalyq forýmy ótti

Is-sharaǵa QHA Tóra­ǵa­sy­nyń orynbasary – Hatshy­lyq meń­gerýshisi D.Myńbaı men Par­lament Májilisi Tóraǵa­synyń orynbasary V.Bojko, Qazaqstan Respýblıkasy Kásipodaqtar federasııasynyń tóraǵasy B.Ábdiraıym, Parlament depýtattary, áleýmettik baǵyttaǵy memlekettik organdardyń bas­shylary, QHA músheleri, de­meýshiler qatysty.

«Men Qazaqstandaǵy barlyq qaıyrymdy azamattardyń atyn jeke-jeke atap ótkim keledi. Biraq bul múmkin emes. Sebebi, olar­dyń sany kóp, jyldan-jylǵa artyp keledi. Barlyq qaıyrymdy jan­darǵa alǵys aıtamyn. Osyn­daı aza­mattardyń belsendi áreket­terimen bir ja­rym myńǵa jýyq is-shara uıym­das­tyryldy. Qaıyrym­dylyq ar­qyly biz barsha adamdy biriktire alamyz», dedi D.Myńbaı.

Aıta keteıik, forýmda Qazaq­stan halqy Assambleıasynyń «Qa­ıyrymdylyq kerýeni» respýb­lıkalyq aksııasynyń qory­tyn­dysy shyǵarylyp, qaıyrymdylyq isin damytýdyń jáne «Týǵan jer» baǵdarlamasyn iske asyrýdyń ózekti máseleleri de talqylandy. Odan basqa, is-shara aıasynda bıylǵy jyly Memleket basshysy azamattardyń mesenattyq já­ne qaıyrymdylyq qyzmetti damy­týdaǵy eńbegin kópke tanytý jáne yntalandyrý úshin taǵaıyndaǵan Qazaqstan halqy Assambleıasynyń «Jomart jan» tósbelgisi tuńǵysh ret saltanatty túrde tapsyryldy.

Esterińizde bolsa, QHA-nyń XXII sessııasynda Memleket bas­shysy múddeli organdarmen bir­lesip, eldegi barlyq qaıyrym­dylyq aksııalaryn QHA qamqor­lyǵy aıasynda júrgizý máselesin py­syqtaýǵa tapsyrma bergen. Al «Qaıy­rymdylyq kerýeni» aksııasy – qoǵamda meıirimdilikti, gýmanızm men ózara rııasyz kómek ja­saýdy ornyqtyrý men qazaq­standyqtardyń ómir jaǵdaılary men densaýlyǵyna qamqorlyqty kúsheıtýge baǵyttalǵan joba. Ol Assambleıanyń áleýmettik jobalarynyń jalǵasy bolyp tabylady.

Nurlybek DOSYBAI,
«Egemen Qazaqstan»