Qytaıdyń Hýbeı provınsııasynda 61 mıllıon adam turady. El ekonomıkasynda besinshi orynǵa, ishki ónim óndirýde jetinshi orynǵa ıe. Ýhan qalasynda jergilikti kompanııa basshylary qatysqan kelissózder barysynda birlesken jobalardy júzege asyrýdyń strategııalyq baǵyttary talqylandy. Azyq-túlik ónimderin ımportqa shyǵaratyn iri saýda jelileriniń jetekshileri áriptestik qarym-qatynastyń damýyna nıettestik bildirdi. Beıjiń qalasy men Shandýn, Henan, Szıansý, Shensı provınsııalarynan kelgen kásipkerler óńirdiń aýylsharýashylyq salasyna qarjy quıýǵa qyzyǵýshylyq tanytty. Qazaqstannyń ınvestısııalyq múmkindikteri óte aýqymdy. Ol úshin barlyq jaǵdaı jasalǵanyn jaqsy bilemiz, desti olar óz sózderinde. Qytaılyq bıznes ókilderimen bolǵan kezdesýde birlesken jobalarǵa basymdyq berildi. Taıaý arada Beıjińde ózara ýaǵdalastyq máselelerin rettep otyratyn oblys keńsesi ashylatyn bolady.
– Biz birneshe baǵytta ekonomıkalyq yntymaqtastyq sharttaryn usynamyz. Aýyl sharýashylyǵy, ónerkásip, ınnovasııa, saýda salalary boıynsha tartylǵan ınvestısııalarǵa memleket esebinen óndiristik ınfraqurylymdar salynady. Ár joba aıasynda jol kartasy ázirlenedi, – dedi Qumar Irgebaıuly.
Hýbeı provınsııasynyń gýbernatory Van Sıaodýnmen kezdesý qos taraptyń kásiporyndary jáne bıznes ókilderimen baılanysty óristetý, olarǵa jaǵdaı jasaý taqyrybyna arnaldy. Joǵary óndiristik bazaǵa, ǵylym men bilim áleýetine ıe Hýbeı provınsııasy men tabıǵı resýrstarǵa baı, aýyl sharýashylyǵy órkendegen Soltústik Qazaqstan oblysy bir-biriniń ekonomıkasyn tolyqtyratynyna senim bildiristi. Kezdesý sońynda oblystyq ákimdik pen provınsııa halyq úkimeti arasyndaǵy yntymaqtastyq jónindegi memorandýmǵa qol qoıyldy.
Q.Aqsaqalov Shııan qalasynyń basshysy Zang Veıgýamen kezdesip, avtomobıl jasaýmen jáne onyń saýdasymen aınalysatyn «Dongfemd Motor Corporation» zaýytynyń jumysymen tanysty. Sóz arasynda on bir aıda óńir ekonomıkasyna 144 mıllıard teńge ınvestısııa quıylǵanyn aıta ketken jón.
О́mir ESQALI,
«Egemen Qazaqstan»
Soltústik Qazaqstan oblysy
