Kezdesýge qatysqan baspasóz ardageri, kezinde gazettiń Jezqazǵan jáne Qyzylorda oblystaryndaǵy menshikti tilshisi bolǵan О́tegen Japparhan bas basylymnyń tarıhynan tereń syr shertti. Bas basylymnyń ár jyldar bederindegi kelbeti, bet-beınesi týrasynda, qalam ustaǵan qaıratkerlerdiń bas redaktorlyq mektebi jaıynda keńinen tolǵap áńgimeledi. Sondaı-aq gazettiń sońǵy ýaqyttaǵy baǵyt-baǵdary, gazettegi ózgerister haqynda baıan etti.
«Egemen Qazaqstan» keıingi bir jyl ishinde úlken ózgeristerge ushyrady. Taldamalyq, saraptamalyq maqalalarǵa jıi oryn beriledi. Halyqaralyq jaǵdaılardy tereńinen qaýzap jazady. Sonyń ishinde sheteldik sarapshylardyń pikirin jarııalaıdy. Bul «Egemenniń» óz ishimizde ǵana qaınamaı, álemdik aqparat aıdynyna shyqqanynyń belgisi. Munyń aıqyn aıǵaǵy retinde, gazette jarııalanǵan maqalalardy árisi Túrkııa, Fransııa, berisi Qyrǵyzstannyń beldi basylymdarynyń aýdaryp basyp jatqanyn aıtsaq ta jetkilikti», dedi ardager jýrnalıst.
№2 «Murager» mektebiniń dırektory Záýre Baımaǵambetova aqparat ǵasyrynda aǵa gazettiń basty derekkóz bolyp qala beretinin, qazirgi kezde aqparattyń aıtýly qaınar bulaǵy bolyp otyrǵanyn jetkizdi. Al mektep dırektorynyń oqý isi jónindegi orynbasary Aıgúl О́tkelbaeva «Tálim» betinde muǵalimderdiń pedagogıkalyq, metodıkalyq maqalalary jıi jaryq kórip júrgenin, osy arqyly ózge mektepterdiń ozyq úlgileri oqý barysynda paıdaǵa asyp jatqanyn atap ótip, aldaǵy ýaqytta mektep muǵalimderi bilim salasyn qaýzaýǵa atsalysyp, óz tájirıbelerimen bólisýge nıetti ekenderin jetkizdi. Sonymen qatar basylymnyń Ulttyq biryńǵaı testileýdiń suraqtaryn jarııalaýy oqýshylardy synaqqa daıyndaýda úlken ról atqarǵanyn aıtty. Al qazaq tili men ádebıeti pániniń muǵalimi Aıgúl Shádibekova Elbasy usynǵan «Rýhanı jańǵyrý» baǵdarlamasy aıasynda kólemdi maqalalar usynyp, ult rýhanııatyna zor úles qosyp jatqanyna basa mán berdi.
Kezdesý barysynda latyn qarpine ótý, bilim salasyndaǵy jańa standarttar, tárbıe men tálim, salt-dástúr, qoǵamdaǵy basqa da ózekti taqyryptar jaıynda sóz qozǵalyp, qyzý pikirtalas boldy. Muǵalimder, ózge de gazet redaksııalary oqyrmandarmen osyndaı kezdesýler uıymdastyrsa, osy tektes pikir almasýlar jıi bolsa degen nıetpen tarqasty.
Erjan BAITILES,
«Egemen Qazaqstan»
QYZYLORDA
