Alqaly jıyndy Á.Marǵulan atyndaǵy №40 orta mekteptiń dırektory Erbol Irgebaı júrgizip, adamı kapıtal týraly oı qozǵady. Oqýshylar men ustazdarǵa Álıhan Bókeıhan týraly qoıylym kórsetilip, Alash arysynyń ómir jolynan jan-jaqty derek berildi. Zań ǵylymdarynyń doktory, Eýrazııa ulttyq ýnıversıtetiniń professory J.Ibragımov «Innovasııalyq damýdaǵy azamattardyń quqyqtyq áleýetin jańǵyrtý» atty baıandama jasap, jurtshylyqtyń túrli suraqtaryna jaýap berdi. Sol sekildi №14 mektep-gımnazııanyń dırektory O.Nadeın bilim mekemelerindegi toleranttyq týraly maǵlumat berse, «National Geographic Qazaqstan» jýrnalynyń jaýapty redaktory M.Iаsylbaıuly adam men tabıǵattyń arasyndaǵy baılanys jaıly derekterdi slaıd arqyly kórsetip, bir kezderdegi Aral taǵdyryn mysalǵa keltirip, endigi jerde Balqash kólin qalybynda saqtap qalý máselesin osy kezden bastap qolǵa alý týraly óz tujyrymyn alǵa tartty.
Plenarlyq otyrystan keıin jınalysqa kelgender úsh seksııada jumys istep, elimizdiń kıeli jerleri, qazaq mádenıeti, asqaq Astana týraly oı bólisti. Qorytyndysynda, «Astana daryny» ortalyǵynyń dırektory M.Qurmanbaeva konferensııaǵa qatysqan azamattarǵa alǵysyn bildirip, aldaǵy ýaqytta Prezıdenttiń rýhanı jańǵyrý jónindegi maqalasynyń ár tarmaǵy boıynsha osyndaı jıyndar ótkizip, onda aıtylǵan ıdeıany jastardyń sanasyna sińirip, olardy otanshyldyq rýhta tárbıeleý máselesin jalǵastyra beretinin, ásirese, daryndy jastardyń boıyndaǵy erekshe talantty ashý sheshimin tabatynyn tilge tıek etti.
Súleımen MÁMET,
«Egemen Qazaqstan
