«Qansonar» halyqaralyq týrnırge aınaldy

Oblystyq týrızm basqar­masynyń basshysy Shynarbek Batyrhanovtyń qatysýymen О́ńirlik kommýnıkasııalar qyzmetinde ótken brıfıngte halyqaralyq týrnırdiń bas júldesine avtokólik ti­gi­­letini erekshe ataldy. Onyń bas tóreshisi retinde ob­lys­tyq dene shynyqtyrý já­ne sport basqarmasynyń «Ult­tyq sport túrleri bo­ıyn­sha oblystyq balalar men jasóspirimder sport mektebi» kommýnaldyq mem­le­kettik mekemesiniń dı­rek­­tory Marat Qoıshın be­kitildi. Jalpy, qusbegilik óneri buǵan deıin de talaı nasıhattalǵan. Alaıda ha­lyqaralyq deńgeıge alǵash ret kóterilip otyr. О́ıtkeni qazir álemde quspen ań aýlaýǵa qyzyǵýshylyq artýda. Onyń ústine Qazaqstannyń tamasha tabıǵaty men qysy qus­begilerdi qyzyqtyryp otyr­­ǵan sııaqty. Uıym­dasty­rýshylardyń má­limetine qa­r­aǵanda, 5 elden 50-den as­tam úmitker ózderiniń baq­taryn synady. Bul rette Sh.Batyrhanov oblys basshy­sy Málik Myrzalınge qoldaý bildirgeni úshin rıza­shy­lyǵyn aıtty. Budan keıin sóz alǵan Qazaqstan Res­pýb­lıkasynyń qusbegilik óneri boıynsha bas bapker Kúntýǵan Bazarbek bul atakásiptiń 10 oblys pen 1 qalada keń óris al­ǵan­dyǵyn jetkizdi. Taǵy bir bel­gilisi, ulttyq oıyndar qaýym­­dastyǵy 2 mıllıon teń­ge kó­leminde qarjy bólgen.

Asqar TURAPBAIULY,
«Egemen Qazaqstan»

Aqmola oblysy