Astana qalalyq Jolaýshylar kóligi basqarmasynyń basshysy Bekmyrza Igenberdınov aldaǵy ýaqytta keıbir avtobýstardyń qozǵalys baǵyttary ózgeretinin atap ótti. Sonymen qatar ol 16 jeltoqsanda Táýelsizdik kúniniń qurmetine elorda turǵyndary men qonaqtary qoǵamdyq kóliktermen tegin júretinin habarlady. Sondaı-aq keńes barysynda Sáýlet jáne qala qurylysy basqarmasynyń basshysy Baqtybaı Taıtalıev qala kóshelerin túngi mezgilde jaryqtandyrý men syrtqy jarnamany ornalastyratyn oryn retinde ǵımarattar men úılerdiń tóbelerin paıdalanýdy usyndy. Onyń aıtýynsha, arhıtektýralyq jaryqtandyrýdyń biryńǵaı ortalyǵyn qurý qajet jáne ol qashyqtan basqarylýy tıis.
Budan bólek, Astana ákimi Áset Isekeshevke qala kóshelerin qardan tazalaý sharalary men jylytý maýsymynyń barysy, MJÁ, Smart-sıtı jobalarynyń júzege asýy, janar-jaǵar maı men kómir naryǵyndaǵy qazirgi jaǵdaı, «Sergek» beıne-baqylaý kameralarynyń jumysy, bıýdjet qarajatynyń ıgerilýi jáne nysandardy týraly baıandaldy.
О́z kezeginde, Astana qalasy IID ákimshilik polısııa basqarmasynyń basshysy Sabyr Júsipov elordadaǵy krımınogendik jaǵdaıdyń turaqty ekendigin jetkizdi. «Qaladaǵy jalpy jaǵdaı turaqty. О́tken aptada ákimshilik jaýapkershilikke 157 sheteldik, 13 QR-nyń azamaty tartyldy. Elden 30 sheteldik azamat shyǵaryldy.
Qabyldaý-taratý ornyna 20 sheteldik qamaldy. 101 júrgizýshi Vus Lane jolaǵymen júrgeni úshin aıyppul tóleýge kesilse, qoǵamdyq kóliktiń 18 júrgizýshisi men 1 taksı júrgizýshisi jolda júrý erejelerin buzǵany úshin ákimshilik jaýapkershilikke tartyldy», - dep málimdedi Sabyr Júsipov. Otyrys barysynda, sondaı-aq áleýmettik mańyzy bar azyq-túlik taýarlarynyń baǵasy da sóz boldy. Astana qalasy aýyl sharýashylyǵy basqarmasy basshysynyń mindetin atqarýshy Gúlmıra Ermoldına málim etkendeı, turaqtandyrý qoryna qanttyń 1500 tonnasy, kúrish pen qaraqumyq jarmasynyń 500 tonnasy jáne kartoptyń 300 tonnasy satyp alyndy.
