Memlekette 1980 jyldary ıslam fýndamentalısteriniń qysymymen kınoteatrlarǵa tyıym salynǵan bolatyn. Endi 2018 jyldyń naýryzynda Saýd Arabııasynda kınoteatrlar qaıta ashylmaq.
Osy jyldyń qańtar aıynda bas múftı Sheıh Abdýl al-Sheıh kınoteatrlar memlekettegi moraldyq qaǵıdalardy buzady degen pikir bildirdi. Biraq hanzada Muhammed bın Salman Vision 2030 baǵdarlamasy aıasynda áleýmettik jáne ekonomıkalyq reformalar aıasynda áıelderge kólik júrgizýge jáne sporttyq jarystarǵa barýǵa ruqsat berdi. Memlekette kınoteatrlarǵa lısenzııa berý bastaldy.
2030 jylǵa deıin Saýd Arabııasynda 300-den astam kınoteatr ashylady dep josparlanǵan. Úkimettiń málimdemesinde memlekettiń ekonomıkasyna kınoteatrlardan 24 mln dollar tabys túsip, 30 myń jumys orny ashylatyny aıtylǵan. Mádenıet jáne aqparat mınıstri Avvad bın Saleh te kınoteatrlardyń ashylýy ekonomıkalyq ósimniń katalızatoryna aınalatynyn málimdedi.
