Kitapta Atyraı oblysynan Aýǵan soǵysyna qatysqan 546 jaýyngerdiń ómirbaıany men estelikteri jazylǵan. Basylym Atyraý munaı jáne gaz ınstıtýtynyń dosenti, ustaz Aıgúl Ermekovanyń bastamasymen jaryqqa shyqty.
«Jerles jaýyngerlerimiz týraly kitap qurastyrý oıǵa kelgennen bastap óz qarajatymmen elimizdiń birneshe oblystaryn aralap, atyraýlyq Aýǵan soǵysynyń qatysýshylaryn izdedim. Izdeý barysynda 400-den asa jaýyngerlermen kezdestim. Olar saqtaǵan qupııa estelikter keleshek urpaqqa jetý kerek dep oılaımyn. Osy maqsatta 3 jyldyń ishinde barlyq ardagerler men oblys ákiminiń tikeleı qoldaýynyń arqasynda kitap oqyrmandaryna jol tartty» ,deıdi basylym avtory.
Sharaǵa oblys ákimi Nurlan Noǵaev pen QR Parlamenti Májilisiniń depýtaty Baqytbek Smaǵul bastaǵan ár óńirdiń qoǵamdyq uıym músheleri, oblystaǵy Aýdan soǵysy ardagerleri, stýdentter men qala turǵyndary qatysty.
Shara sońynda oblys ardagerleri oblys ákiminiń, Aýǵan soǵysynyń ardagerleri uıymdarynyń «Qazaqstan ardagerleri» qaýymdastyǵy atynan alǵys xattarmen, Baýyrjan Momyshuly atyndaǵy «Batyr shapaǵaty» jáne Hıýaz Dospanova atyndaǵy medaldarymen marapattaldy.
