Máselen, 2016 jyly kepilzat jetkiliksiz bolǵan jaǵdaıda Qordyń kepildigin alýǵa múmkindik beretin qyzmetti avtomattandyrý týraly sheshim qabyldanǵany belgili. Sodan beri «elektrondy úkimettiń» www.egov.kz portalyna 561 ótinim túsip, onyń 493-i maquldanǵan. Qazir qaraýda 68 ótinim jatyr. Osy ýaqyt aralyǵynda «Damý» Qory 2000 kepldik bergen. Iаǵnı, kepildik suraǵan onlaın-ótinimder úlesi 25% qurady.
Kepildik arqyly qoldaý alǵan nesıe qorjynynyń somasy 16,2 mlrd teńgeni qurady. Al kepildiktiń quny 5 mlrd teńgege jetti. Ekinshi deńgeıli bankter arasynda kósh bastap turǵan «Qazaqstan halyq banki» AQ – 147, «Sberbank» AQ EB – 124 jáne «SentrKredıt Bank» AQ – 112 jobany qarjylandyrǵan. Bul jaǵynan eń belsendi óńirler qatarynda Aqtóbe oblysy – 87, Atyraý – 70 jáneQostanaı oblysy – 55 joba usynǵan.
«Damý» Qorynyń kepildigi – elektrondy úkimettiń platformasyna engizilgen tuńǵysh qarjylyq qural. Bul arqyly kásipkerler bıznes ashýǵa, kásibin damytýǵa kepilzaty jetpegen jaǵdaıda múmkindik alady. Al onlaın-júıe kásipkerdiń ýaqytyn únemdeıdi. 180 mln teńgege deıingi nesıege kepildik suraýshylarqyzmetke egov.kz portaly qol jetkize alady. Ol úshin tek portalǵa tirkelip, ótinimdi toltyryp, banktiń oń sheshim shyǵarǵan hatynyń elektrondy nusqasyn qystyryp, elektrondy sandy qolyn qoıý kerek. Jeke kabıneti arqyly ótinim qaraý qaı kezeńde ekenin qadaǵalap otyrýǵa bolady, dep habarlaıdy atalmysh Qordyń Baspasóz qyzmeti.
2018 jyldan bastap kásipkerler «Damý» Qorynan syıaqy mólsherlemesin sýbsıdııalaý úshin de onlaın ótinim bere alatyn boldy.
Aınash ESALI,
«Egemen Qazaqstan».
ALMATY
