Bul birinshiliktiń poshymy bólekteý. О́ıtkeni kásiptik bilim alyp jatqan jastardyń arasyndaǵy «qoly altyn» derlik sheberler synǵa túsýde. Oblystyq bilim basqarmasynyń uıymdastyrýymen ótip jatqan chempıonatqa 36 bilim uıymynan 186 qatysýshy ótinish bildiripti. Sheberler saıysynyń ashylý saltanatynda sóz alǵan Ońtústik Qazaqstan oblysy ákiminiń orynbasary Ulasbek Sádibekov mańyzy men máni óte zor sharanyń maqsaty - tehnıkalyq jáne kásiptik bilim berý júıesiniń ýaqytpen ilese otyryp, óz isin biletin jáne jaqsy kóretin bilikti mamandarmen qamtamasyz etý ekenin atap ótti.
Jalpy oblysta «Barshaǵa tegin kásiptik-tehnıkalyq bilim berý» aıasynda 15668 adam tehnıkalyq, tehnologııalyq jáne aýylsharýashylyq, qyzmet kórsetý salalary boıynsha bilim alýda. Sondaı-aq, «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasynyń» birinshi baǵyty boıynsha 4584 stýdent bilimin jetildirýde.
Sheberler arasyndaǵy saıys jeńimpazdary aldaǵy ýaqytta Qazaqstanda ótkiziletin Worldskills - 2018 chempıonatyna qatysýǵa múmkindik alatyn bolady.
Ǵalymjan ELShIBAI,
«Egemen Qazaqstan»
