Turaqtandyrý qory qazirgi tańda Shymkenttegi kólik-logıstıkalyq ortalyǵynyń áleýetin tıimdi paıdalanyp otyr. Bul jerden 4 myń sharshy metrlik qoımalardy jalǵa alǵan. Sóıtip, 2,5 myń tonnaǵa jýyq azyq-túlik taýarlaryn saqtap otyr. Atalǵan seriktestiktiń jumysymen tanysqan óńir basshysy baǵany turaqtandyrýda zamanaýı qoımalardyń mańyzdy ekenin jetkizdi.
- Buǵan deıin turaqtandyrý qory taýarlaryn Keńes zamanynan qalǵan qoımalarda saqtap keldi. Talapqa saı kelmegendikten saqtalǵan taýarlar erte búlinip, birqatar shyǵyndarǵa uranatyn. Endi mine Shymkent qalasynan zamanaýı qoıma paıdalanýǵa berilip, taýarlarymyzdy saqtaý merzimi uzaryp otyr. Qazirdiń ózinde biz osynda saqtalǵan kartoptardy 85 teńgeden, sábizdi 80 teńgeden, al pııazdy 50 teńgeden satylymǵa shyǵarýdamyz, - dedi «Shymkent» áleýmettik kásipkerlik korporasııasy tóraǵasynyń orynbasary Maratbek Myrzamuratov.
Baqtııar TAIJAN,
«Egemen Qazaqstan»
